Dusabe Gabriel ni umufotozi wabigize umwuga

Dusabe w’imyaka 41, avuga ko bimwe mu byamuteye inyota yo kumenya gufotora, ari uko yiga mu mashuri y’isumbuye yabonaga amafoto agaragaza u Rwanda, agasanga yafotowe n’abanyamahanga gusa.

Avuga ko mu mafoto yabonaga, harimo ayo yabonaga agaragaza nabi u Rwanda, akifuza kuzajya afotora asa neza.

Ifoto igaragaza ubwiza bw’u Rwanda

Yagite ati”Ibi byatumye niyemeza kuba umunyarwanda ukora umwuga wo gufotora nkajya ngaragaza ubwiza bw’igihugu cyanjye nk’umunyarwanda.”

Dusabe akomeza avuga ko ku bw’inzozi yari afite byamuteye imbaraga zo kujya kwiga gufotora muri Leta Zunze Ubumwe z’Amerika.

Nyuma y’imyaka umunani akora uyu mwuga, avuga ko uyu munsi amaze kugera kuri byinshi, kuko abikora nk’umwuga w’ibanze.

Dusabe usanzwe ari n’umunyabugeni, avuga ko umwuga we utuma abasha gufasha abana b’imfubyi, abigisha ibijyanye n’ubugeni bikabafasha kwibeshaho no gukomeza amashuri.

Abagera kuri 19 amaze kubigisha gukora ibishushanyo bitandukanye, amakarita n’imitako bikozwe mu mpapuro ziba zajunywe zitwa ko nta gaciro zigifite.

Amakarita y’imitako atandukanye bakora aba agurishwa amafaranga ari hagati ya 1500frw na 2000frw.

Mu bugeni yigisha abana b’imfubyi bakora inkuru zishushanyije hakoreshejwe impapuro zajugunywe

Imishinga mito Dusabe afite yagiye akomora muri uku gufotora, avuga ko ubu ifite agaciro ka miliyoni ziri hagati ya 10 na 15 z’amafaranga y’u Rwanda.

Ati”Kuba narageze ku nzozi zanjye ni ikintu nishimira kandi cyanteje imbere, kimfasha no kwita kuri aba bana b’imfubyi mu buzima bwabo bwa buri munsi.

Dusabe Gabriel yabaye umufotozi mu biro by’umukuru w’igihugu igihe cy’imyaka ibiri.

Yagiye anafotora amafoto atandukanye ubu usanga yifashishwa mu bukerarungendo n’ibigo nka RDB, Rwandair n’ibindi. Avuga ko ibi ari ishema kuri we.

Ifoto igaragaza imirima y’icyayi

Ubuvumo bwa Musanze

Dusabe avuga ko mu bijyanye n’ubugeni ndetse n’amafoto bikorerwa mu Rwanda, abanyarwanda batarabiha agaciro cyane.

Abasaba guha agaciro ibikorwa bikorerwa mu Rwanda, bikorwa n’abanyarwanda, bakabiteza imbere, aho kujya bimenywa n’abanyamahanga gusa.

Abagore banura ikawa

Umunyamabanga wa leta muri MiNALOC, Alivera Mukabaranga avuga ko leta igiye korohereza abafite ubumuga ku isoko ry’umurimo.

Umunyamabanga wa Leta muri Minisiteri y’Ubutegetsi bw’igihugu Dr. Mukabaramba Alivera yabivuze mu nama yahuje abahagarariye abafite ubumuga bo mu bihugu by’Umuryango wa Afurika y’Iburasirazuba EAC, kuri uyu wa kabiri tariki 9 Kanama 2016.

Yagize ati “Nyuma yo gukura mu muhanda abafite ubumuga basabirizaga u Rwanda rwiyemeje gukemura ikibazo cyo guha akazi abantu bafite ubumuga.”

Bahoze Jean Floribert umwe mu bafite ubumuga bari bitabiriye iyi nama akaba n’umuyobozi wa koperative ya RECOPDO ihuriyemo n’ababana n’ubumuga mu Rwanda, yavuze ko Leta y’u Rwanda yafashije abafite ubumuga kumva ko nabo bafite agaciro.

Bahoze Jean Floribert.

Ati’’ Ubu na Leta yaradufashije ari ugutwara imodoka turatwara turiga za kaminuza kimwe n’abandi n’abatagize amahirwe yo kujya mu ishuri barahuguwe mu myuga babasha kwihangira imirimo.

Ubu ntabagisabiriza bagihari kuko hari ikintu bigejejeho gishimishije kugeza none ,ubu imiryango yabo ntabwo ikimeze nka mbere.”

Bahoze yavuze ko nubwo hari byinshi byakemutse mu mibereho yabafite ubumuga, ariko hakiri imbogamizi yo kugirirwa icyizere n’ibigo by’imari kugira ngo babashe gukorana nabo.

Umunyamabanga Nshingwabikorwa w’Inama y’Igihugu y’Abantu bafite Ubumuga (NCPD) Ndayisaba Emmanuel, yavuze ko bagiye kongera ubumenyi abafite ubumuga kugira bagire ubumenyi nk’abandi hakazibandwa mu kwigisha imyuga abafite ubumuga ngo kuko icyiciro kinini aricyo abatarabashije kugera mu ishuri.

Yavuze ko kugeza ubu bamaze gushyira miliyoni 200Frw mu kigega cya BDF mu rwego rwo gufasha abafite ubumuga mu kwihangira imirimo no kugura ibikoresho bakeneye .

Ndayisaba yavuze kandi ko bari gukora ubuvugizi kugira ngo n’ibindi bigo by’imari bibashe gukorana n’abafite ubumuga.

Amazi meza agenda yiyongera mu gihugu ariko ibiciro byayo ku baturage ntibigabanuka.

Guverinoma izashyira ingufu mu bugenzuzi bw’amazi, kuko ubwari busanzwe bukora ntacyo bwafashaga, nk’uko yabitangarije inteko ishinga amategeko, asobanura ingamba nshya za guverinoma mu gusakaza amazi meza n’isuku kuva mu 2010, kuri uyu wa kabiri tariki 2 Kanama 2016.

Yagize ati “Ubugenzuzi kubirebana n’ibiciro buriho ubu biragagara ko ari ubugenzuzi bwo kwikiza kuko budakora ku buryo bushimishije, kuko usanga ku mavomo hari aho ijerekani igura 100 frw kandi igomba kugura 20frw. Hagombwa gushyirwamo ingufu k’ubugenzuzi kugira ibiciro by’ubahirizwe.”

Yavuze ko hazashyirwah ibihano ku bakora inyigo mbi ku miyoboro y’amazi n’abashinzwe kubagenzura ariko ntibabyerekane.

Abacunga amavomero rusange bemerewe kugura amazi ku kiguzi kingana na 323Frw kuri metero kibe imwe.

Minisitiri Murekezi yasobanuye kandi ko igituma ikiciro cy’amazi kizamuka cyane mu cyaro biterwa n’amazutu y’amamashini yifashishwa mu kuzamura amazi mu miyoboro.

Kuva muri 2010 kugeza kuri 2015 abaturage babona amazi bavuye kuri 47% bagera kuri 84%.

Madamu Jeannette Kagame yifatanyije n’abagize Mothers’ Union mu kwizihiza yubile y’imyaka 50. Aha bakataga umutsima w’ibirori.

Ibi Madamu Jeannette Kagame yabivuze kuri iki Cyumweru, tariki 31 Nyakanga 2016, ubwo yifatanyaga n’Umuryango w’Abagore bo mu Itorero Angilikani, Mothers’ Union, wizihizaga yubile y’imyaka 50 ugeze mu Rwanda.

Uyu muryango mpuzamahanga wibanda ku bikorwa by’iterambere ry’umugore n’iry’umuryango muri rusange.

Mu myaka 50 umaze mu Rwanda ukaba waragize uruhare mu kubaka ubusugire bw’imiryango no kurwanya ihohoterwa rikorerwa abagore, nk’uko byemejwe n’ubuyobozi bwabo.

Madame Jeannette Kagame hamwe n’abari bitabiriye ibi birori.

Muri ibyo birori byabereye i Kibagabaga mu Mujyi wa Kigali, Madamu Jeannette Kagame yashimiye uyu muryango ibikorwa by’ingirakamaro bakora nk’abagore b’umutima kuko ari inshingano zabo.

Yagize ati ”Umugore mwiza cyangwa witonda, ni urangwa n’ibikorwa byiza kandi by’ubumuntu nk’ibyo Mothers’ Union ikora.“

Madamu Jeanette Kagame yakomeje yibutsa abagore inshingano ikomeye yo kubaha no gufatanya n’abagabo babo kugira ngo babashe kubaka umuryango ufite ireme.

Madamu Jeannette Kagame yibukije abagore kurangwa n’umutima w’ubumuntu kandi bagafatanya n’abagabo.

Yagize ati “Nagira ngo ariko mbibutse ko iyo umugore mwiza adafatanyije n’umugabo, ubwo bwiza bwe butagira akamaro.”

Yashimiye Mother’s Union n’Itorero ry’Abangilikani muri rusange ku ruhare rukomeye bagize rwo komora ibikomere Abanyarwanda basigiwe n’amateka ya Jenoside yakorewe Abatutsi, anabashimira uruhare bakomeje kugaragaza mu kubaka umuryango nyarwanda ushingiye ku bumwe n’amahoro.

Madamu Jeanette Kagame yijeje Mother’s Union ubufatanye n’Umuryango Imbuto Foundation abereye Umuyobozi w’Ikirenga, kugira ngo ibikorwa byabo byo guteza imbere umuryango birusheho kwihuta no kugera kuri benshi.

Umuyobozi wa Mothers’ Union mu Rwanda, Rwaje Josephine, yavuze ko iyi myaka 50 ishize, isize uyu muryango ufashije Abanyarwanda benshi mu iterambere ry’umuryango kandi ukaba uzakomeza kubaba hafi.

Josephine Rwaje, Umuyobozi wa Mothers’ Union mu Rwanda.

Yagize ati “Muri iyi myaka 50 Mothers’ Union imaze, twagize uruhare rukomeye mu kwimakaza ubusugire bw’imiryango, turwanya ihohoterwa ryakorerwaga abagore, ndetse dushishikariza imiryango yabanaga mu buryo butemewe n’amategeko gusezerana haba mu mategeko no mu itorero.”

Muri iyi myaka kandi, ngo batangije gahunda zirimo ”ijisho ry’umuturanyi” ndetse n’igikorwa cyo kwakira abana b’imfubyi kugira ngo barererwe mu miryango.

Abanyamuryango ba Mothers’ Union bageneye impano y’igiseke Jeanette Kagame.

Rwaje kandi yavuze ko bishimira ko bafashije imiryango itandukanye mu iterambere ryabo babashishikariza kwibumbira mu matsinda yo kuzigama no kugurizanya, ndetse bakaba barafashije urubyiruko rutandukanye kwiteza imbere.

Uyu muryango wa Mothers’ Union wizihije yubire y’imyaka 50, watangijwe mu Rwanda mu mwaka wa 1966. Ibirori byo kwizihiza iyi yubile byitabiriwe na Lynne Tembey, Umuyobozi wa Mother’s Union ku rwego rw’isi.

Bakoze n’urugendo rwo kwizihiza uyu munsi.

Abaturage bitabiriye kwikingiza iyi ndwara ari benshi, bituma MINISANTE imenya ko basobanukiwe n’ububi bwayo.

MINISANTE ishaka guhangana n’ibiciro byo kwivuza iyi ndwara, bitewe nn’uko igaragaza ko iyi ndwara ifata umwijima ikomeje kwarika imbaga hirya no hino mw’isi itaretse no mu Rwanda, nk’uko umunyamabanga uhoraho muri iyi minisiteri Dr Jean Pierre Nyemazi, yabitangaje kuri uyu wa gatatu tariki 27 Nyakanga 2016.

Yagize ati “Minisiteri iri kwiga ukuntu batangira gukorana n’abakoresha ubwisungane mu kwivuza (Mituelle de santé), kugira buri icyiciro cyose mu Rwanda kibashe kwisuzumisha.”

Yabitangarije mu nama yo gutangiza gahunda yo kurwanya Hepatite mu Rwanda, nyuma y’igikorwa kitabiriwe n’Abanyarwanda batari bacye. Akavuga ko byagaragaje ko Abanyarwanda bamaze kumenya ububi bwayo.

Umunyamabanga uhoraho muri MINISANTE, Dr Jean Pierre Nyemazi, avuga ko bagiye gusuzuma uko imiti yarushako kugabanuka.

Nyemazi yakomeje yavuze ko nubwo ibiciro bikiri hejuru, Abanyarwanda bakwiye kwisuzumisha hakiri kare kugira ngo bamenye aho bahagaze.

Umuyobozi w’Ishyirahamwe rirwanya indwara z’umwijima, Rutikanga Jean Bosco, nawe yashimye MINISANTE ibafasha kubona iyi miti ku giciro kiri hasi, kuko mu bindi bihugu hari aho usanga igura agera kuri miliyoni 6Frw.

Ati “Mbere imiti ya Hepatitis yari ihenze cyane, ku bantu birihira, umuti wageraga kuri miliyoni 6Frw. Ku bantu bafite ubwishingizi bakoreshaga miliyoni 2Frw ariko ubu igeze ku bihumbi 900Frw kandi mbere yakizaga ku kigero cya 40% ariko ubu imiti yayo ikiza kuri 95 %.”

Kugeza ubu mu Rwanda abantu bagera kuri 800.000 nibo bafata imiti ya Hepatite.

BRD igirana ikiganiro n’abanyamakuru gisobanura inama ya AFRACA igiye kubera mu Rwanda.

Iyi nama izahuza impuguke mu gushora imari mu buhinzi n’ubworozi mu bihugu byo munsi y’Ubutayu bwa Sahara yatumijwe n’AFRACA izabera i Kigali muri Marriot Hotel kuva ku wa 1-3 Kanama 2016.

Ku bufatanye bwa BRD, MINAGRI na AFR (Access to Finance Rwanda), AFRACA ikaba izahuriza hamwe impuguke mu byo gushora imari mu buhinzi zizaturuka mu bice bitandukanye by’isi, mu karere ndetse no mu Rwanda.

Mu kiganiro n’abanyamakuru kuri uyu wa 27 Nyakanga 2016, Umuyobozi wa BRD, Alexis Kanyankole, yavuze ko ku murongo w’ibizigwa harimo kungurana ibitekerezo ku buryo bwiza bwo gushora imari mu buhinzi n’ubworozi no gukangurira ibigo by’imari gushora imari mu buhinzi n’ubworozi.

Alexis Kanyankore, Umuyobozi Mukuru wa BRD, aganira n’abanyamakuru.

Kanyankole yakomeje avuga ko hazanigirwamo uburyo bwo guhangana n’ibibazo biterwa n’ihindugurika ry’ikirere rikunze gutera abahinzi igihombo, by’umwihariko mu Rwanda.

Yagize ati “Tuzarebera hamwe n’abandi uburyo twanoza gahunda yo guhangana n’ibibazo byo kubura umusaruro uhagije mu Rwanda, biterwa n’impihindagurikire y’ikirere; twibanda cyane kuri gahunda yo kuhira.”

BRD yatangiye gukorana n’umuryango wa AFRACA kuva muri 2013. AFRACA, ifite icyicaro muri Kenya, ikaba ifite intego yo guhuza ibigo by’imari n’abahanzi n’aborozi mu rwego rwo guteza imbere ubuhinzi n’ubworozi.

Ikibazo abanyamakuru bagarukagaho ahanini ni ikijyanye n’igihombo abahinzi bakunda guhura na cyo biturutse ku mihindagurikire y’ibihe ndetse no kuba badakunze kwitabira kwaka inguzanyo mu mabanki.

Muri icyo kiganiro hari harimo n’umuyobozi wa BDF.

Aha babazaga niba byaba biterwa no kuba bazitinya gusa cyangwa byaba biterwa n’inyungu nini amabanki yaba ashyira ku nguzanyo mu by’ubuhinzi.

Muri iki kiganiro, babwiye ko kugeza ubu nta gihombo gikanganye cyari cyagaragara mu buhinzi mu Rwanda, ndetse abari bakiyoboye banavuga ko ibyo gutinya inguzanyo bishobora kuba bituruka ku mpuha hagati y’abahinzi ubwabo aho kuba ikibazo cy’inyungu, ariko banashimangira ko ibi ari bimwe mu bizibandwaho mu nama y’AFRACA.

Vedaste Habimana wongeye kugirirwa icyizere cyo kuyobora urugaga rw’abahesha b’inkiko mu Rwanda.

Vedaste Habimana, Perezida w’urugaga rw’abahesha binkiko, avuga ko bagiye guhangana na byo bongerera ubumenyi abahesha b’inkiko, nk’uko yabitangaje nyuma yo kongera kugirirwa icyizere cyo kuyobora urugaga, mu amatora yabaye kuri uyu wa mbere tariki 25 Nyakanya 2016.

Yagize ati “Mu rwego rwo gukomeza imikorere myiza nzafatanya na komite mu gukuraho akajagari n’amakosa byarangwaga muri za cyamunara no guhugura abahesha b’inkiko babigize umwuga mu mikorere y’abo.”

Habimana yongeye kugirirwa icyizere kuko no muri manda ishize y’imyaka itatu kuva muri 2013 ariwe wayoboraga urwo rugaga.

Bamwe mu bagize komite nshya batowe.

Hatorewe imyanya irindwi ariyo Perezida w’urugaga rw’abahesha b’inkiko babigize umwuga, visi Perezida,umubitsi n’umwanya w’abahesha b’inkiko bane bahagararira abandi muri komite.

Abatoye batangaje ko icyabateye kongera kugirira icyizere Habimana ko ari ukubera impinduka yagejeje ku rugaga mu myaka itatu ishize.

Iyi komite yatowe ikaba izamara indi myaka itatu, abahesha b’inkiko bari bitabiriye aya matora bose hamwe bakaba bageraga ku 140.

Perezida Ghali ashyira indabo ku rwibutso rushyinguyemo imibiri y’Abatutsi bishwe muri jenoside mu 1994.

Kuri uyu wa kabiri tariki 19 Nyakanga 2016, Perezida Ibrahim Ghaliakigera ku rwibutso rwa jenoside rwa Gisozi, yabanje gushira indabo no kunamira inzirakarengane zishinguwe ku rwibutso.

Mukiganiro yagiranye n’abanyamakuru,Perezida Ibrahim Ghali yavuze ko bifatanyije mu kababaro n’Abanyarwanda nyuma yo kureba amarorerwa yabereye mu Rwanda kandi akanashima ubutwari bwa mugenzi we Perezida Paul Kagame yagize bwo guhagarika Jenoside.

Yasobanuriwe amateka yaranze Jenoside yakorewe Abatutsi.

Yagize ati “Ibyabaye mu Rwanda birababaje n’ingakamere ariko ndashima Perezida Paul Kagame uburyo yahagaritse Jenoside kandi akaba akomeje guteza imbere u Rwanda. Ibyabaye mu Rwanda ni isomo ku isi hose.”

Perizida Ghali uherutse gutorwa itariki 9 Nyakanga 2016, yari yaritabiriye inama ya Afurika yunze Ubumwe yaberaga i Kigali.

Sahrawi ni agace gaherereyemo amakambi y’impunzi yashyiswe muri Leta ya Tindouf yo muri Algeria mu 1975. Izo mpunzi zahunze ingabo za Maroc zaturukaga mu burengerazuba bwa Sahara, mu ntambara yiswe "Western Sahara War."

Minisitiri w’Ububanyi n’Amahanga wa Cameroun, Lejeune Mbela Mbela, yababajwe na Jenoside yakorewe Abatutsi mu Rwanda mu 1994.

Minisitiri Mbela Mbela yasuye uru rwibutso kuri uiyu wa Kabiri tariki 19 nyakanga 2016, aho yashyize indabo ku mva ndetse yunamira imibiri y’inzirakarengane zazize Jenoside yakorewe Abatutsi zishyinguyemo.

Nyuma yo gusobanurirwa amateka yaranze u Rwanda mbele y’ubukoloni kugeza ubwo habaga Jenoside yakorewe Abatutsi mu 1994, Minisitiri Mela Mbela yavuze koa ababajwe na jenoside yakorewe Abatutsi mu Rwanda ndetse ko isi yose ikwiriye gukora ibishoboka kugira ngo ibyabaye ntibizongere kubaho ukundi.

Minisitiri Mbela Mbela yatangaje ko yifuriza Abanyarwanda, Afurika n’isi yose kubana mu mahoro kugira ngo ibikorwa nk’ibi by’ubunyamaswa bitazagira ahandi byongera kuba ku isi.

Minisitiri w’Ububanyi n’Amahanga wa Cameroun na we yari amaze iminsi i Kigali, aho yari yitabiriye Inama ya 27 y’Umuryango w’Ubumwe bwa Afrika (AU) yabereye mu Rwanda kuva tariki 10 kugeza 18 Nyakanga 2016.

PL yibuka iby’isabukuru yayo y’imyaka 25.

Byavuzwe kuri uyu wa 14 Nyakanga 2016, mu kiganiro n’abanyamakuru muri Hotel Umubano, cyari kigamije gusobanura isabukuru yaryo y’imyaka 25 rimaze rikora.

Visi Perezida wa mbere waryo ,Hon. Donatilla Mukabalisa, wari uyoboye ibiganiro, yabanje gusobanura amateka y’ishyaka kuva mu 1991 ubwo ryashingwaga dore ko hari mu bihe ngo bitari byoroshye icyo gihe kuba mw’ishyaka ritavugaga rimwe na Leta.

Cyakora, ngo abari bariyoboye ntigeze bacika intege, barwanye gitwari abenshi bamburwa ubuzima kubera ubwitange bwabo, aho yatanze urugero rwa Landouard Ndasingwa bitaga Lando wari mubaritangije.

Ati “Tugomba kuzirikana ubutwari n’ubwitange bwa bamwe mu batangije ishyaka kuko nubwo bambuwe ubuzima muri Jenoside yakorewe Abatutsi mu 1994, icyo baharaniraga cyagezweho babaye igitambo cy’impunduka”.

Hon.Mukabalisa yaboneyeho no gusaba abari aho bose gufata umunota umwe hakibukwa izo ntwari. Yatangaje ko mu myaka 25 PL imaze, imaze gutera intambwe ishimishije kandi ko yishimira uburyo ishyaka risigaye rikorera mu bwisanzure kandi rikaba rifatanya n’ubuyobozi bw’igihugu muri politiki y’igihugu no mu iterambere ryacyo.

Aba bibukaga abanyamuryango bayo bazize Jenoside.

Dr Nyiramirimo Odette, Senateri mu Nteko Ishinga Amategeko y’u Rwanda, we yagarutse ku musanzu ishyaka ritanga mu iterambere ry’igihugu, aho yatangaje ko i PL ifatanya n’ubuyobozi bw’igihugu kugira ngo habeho ukwishyira no kwizana kwa buri Munyarwanda kandi akaba yishimira uburyo byagezweho.

Yavuze ko muri uyu mwaka PL ifite intego Abanyarwanda bose bagira ubushobozi bwo kwivuza, aho yerekanye ko ubu ikigereranyo cy’abafite ubwisungane bwo kwivuza kigera kuri 80% ariko ko bazakora ibishoboka byose bikagera ku 100%.
Umunsi nyir’izina wo kwizihiza isabukuru y’imyaka 25 ishyaka rya PL rimaze uzizihizwa ku itariki 31 Nyakanga 2016 ari na bwo hazatorwa Perezida mushya w’ishyaka .

Alvin Katto , Umuyobozi wa Jumia Rwanda, asobanura ubufatanye bwabo mu bucuruzi bwa "Made in Rwanda".

Alvin Katto , Umuyobozi wa Jumia Rwanda, mu kiganiro n’abanyamakuru kuri uyu wa 12 Nyakanga 2012, yavuze ko sosiyete ya Jumia yagize igitekerezo cyo gutangira gukorana n’abafite cyangwa abakora ibicuruzwa bikorerwa mu Rwanda (Made in Rwanda) nyuma yo kubona umubare munini w’abakiriya bifuza ibicuruzwa bikorerwa mu Rwanda ariko bakabura aho babikura.

Yakomeje avuga ko gukorana n’abakora “Made in Rwanda” ari servisi Jumia izatanga yihariye itandukanye n’izisanzwe zitangwa.

Kwamamaza ibi bicuruzwa ngo bizagirwa akarusho mu rwego rwo gushishikariza Abanyarwanda kugura ibituruka mu Rwanda kuruta ibiva hanze no gushishikariza abacuruza ibikorerwa mu Rwanda kwagurira isoko ryabo mu Rwanda mbere yo kujya hanze yarwo.

Uwimana Aisha, Umukozi wa Jumia Rwanda, avuga ko ubusanzwe abakiriya bifuzaga kugura ibicuruzwa bikorerwa mu Rwanda bategerezaga imurikagurisha na ryo riba rimwe mu mwaka, ariko ubu bikazajya biborohera kubona ibyo bicuruzwa.

Yagize ati “Ubu nta kongera gutegereza imurikagurisha riba rimwe mu mwaka, umuntu azajya agura cyangwa agurishe igicuruzwa ashaka hifashishijwe urubuga rwa interenet rwa Jumia.”

Yakomeje asobanura ko umucuruzi uzifuza gucururiza ibikorwa bye ku rubuga rwihariye rw’ubucuruzi www.jumia.rw ,asabwa kwiyandikisha gusa k’ubuntu kandi agahabwa iminsi 30 yo gucururizaho ibicuruzwa bye atishyura .

Iyi serivisi izafasha abakunzi ba “Made in Rwanda”,kuzagura ibicuruzwa ku giciro cyiza kandi mu buryo bworoshye.

Kuri uyu wa kane tariki 23 Kamena 2016, Abongereza basaga miliyoni 46 bari bazindukiye mu matora ya kamara mpaka yo kwemeza niba igihugu cyabo kiguma cyangwa kikava mu muryango w’ibihugu by’uburayi (European Union.

Gusa uko amanita yagiye atangazwa mu bice bitandukanye by’icyo gihugu yagaragaje ko Ubwongereza bwamaze gutora kuvamo.

Muri iki gitondo cyo kuwa gatanu BBC yatangaje ko imijyi 302 kuri 382 ari yo yatoye ukuva k’u Bwongereza muri UE.

Saa kumi n’imwe za mu gitondo zo Bwongereza, mu Rwanda zari saa kumi n’ebyiri za mu gitondo nibwo amanota y’amanota yagaragajwe aho abatoye Brexit yari 72% naho abatyitoye yari 52%.

Ukuvamo k’u Bwongereza mu muryango w’ibihugu by’uburayi biteye abantu benshi kwibaza ikigiye gukurikira.

Hari abari kwibaza niba Minisitiri w’Intebe w’u Bwongereza David Cameron, azaguma kuri iyo mwanya numya y’aya matora kuko we kuva mu ntangiro yayo yagaragaje ko ashyigikiye ko u Bwongereza buguma muri UE.
Hari bazwa kandi nimba uku kuvamo kwiswe “Brexit” kuzatera impinduka nziza cyangwa mbi kuri EU.