Nduhungirehe ugiye guhagararira u Rwanda mu Buholandi yashimiye Perezida Kagame

Inama y’Abaminisitiri yateranye kuri uyu wa Gatanu tariki 14 Kanama 2020 yashyize Ambasaderi Olivier Nduhungirehe ku mwanya wa Ambasaderi w’u Rwanda mu Buholandi.

Ambasaderi Olivier Nduhungirehe
Ambasaderi Olivier Nduhungirehe

Aya makuru akimara kujya ahagaragara, Ambasaderi Nduhungirehe yahise yandika ubutumwa kuri Twitter ashimira Perezida Paul Kagame kubera icyizere yamugiriye.

Ambasaderi Nduhungirehe ati “Nzakoresha imbaraga zanjye n’ubunararibonye mu guteza imbere umubano mwiza n’ubuhahirane hagati y’u Rwanda n’u Buholandi ndetse n’ibindi bihugu.”

Mu bandi bahawe imyanya yo guhagararira u Rwanda mu mahanga barimo Nyiramatama Zaina wagizwe Ambasaderi w’u Rwanda muri Maroc. Hari kandi na Ambasaderi karabaranga Jean Pierre ugiye guhagararira u Rwanda muri Senegal, na Mutsindashyaka Théoneste ugiye guhagararira u Rwanda muri Congo.

Shakisha izindi nkuru
kigalitoday android app mobile

Ibitekerezo   ( 3 )

Nukuri nibyiza ko H.E Paul Kagame yongeye kugirira icyizere Olivier Nduhungirehe,Imana izamushoboze mu nshingano yahawe.

Telesphore yanditse ku itariki ya: 18-08-2020  →  Musubize

Nashimishijwe ni uko Nduhungirehe yongeye kugirirwa ikizere , Imana izabane nawe mukazi.

Delphine yanditse ku itariki ya: 17-08-2020  →  Musubize

Nshimijwe no kumva ko Nduhungirehe Olivier yagiriwe ikizere n’umukuru w’igihugu, komera Olivier tukuri inyuma.

Kayonga yanditse ku itariki ya: 16-08-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka