KT TV
Burundi: Perezida mushya ararahira kuri uyu wa Kane
Perezida mushya w’u Burundi Evariste Ndayishimiye, ararahirira kuyobora iki gihugu kuri uyu wa kane tariki 18 Gicurasi 2020. Ni umuhango wigijwe imbere ho amezi abiri, bitewe n’urupfu rutunguranye rwa Pierre Nkurunziza wari utararangiza neza manda ye, kuko yagombaga gutangira imirimo ye tariki 20 Kanama 2020.
Perezida Ndayishimiye, agiye ku butegetsi mu gihe mu Burundi havugwa ibibazo byo gicikamo ibice mu baturage, ubukene, ibi byiyongeraho icyorezo cya Covid-19.
Evariste Ndayishimiye w’imyaka 52 y’amavuko, ararahirira i Gitega kuri Stade ya Ingoma, saa sita z’amanywa, mu buryo budasanzwe mu rwego rwo kwirinda Covid-19 ku bari buwitabire. Abaturage basabwe kuhagera kare kugira ngo bakarabe intoki ndetse bapimwe n’umuriro.
Abanyacyubahiro bahagarariye ibihugu byabo mu Burundi batumiwe muri uwo muhango, naho Perezida Félix Tshisekedi wa Congo Kinshasa biteganyijwe ko ari we mukuru w’igihugu wenyine uza kwitabira uwo muhango aturutse hanze y’u Burundi.
Perezida mushya Evariste Ndayishimiye asimbuye Pierre Nkurunziza w’imyaka 55, wari umaze imyaka 15 ku butegetsi. Yitabye Imana tariki ya 08 Kamena 2020 azize indwara y’umutima nk’uko byatangajwe na Leta y’u Burundi.
Urukiko rushinzwe kurinda Itegeko Nshinga rwafashe icyemezo cy’uko Evariste Ndayishimiye ahita arahira hatagiyeho Leta y’inzibacyuho. Ishyaka CNDD-FDD riri ku butegetsi ryiyemeje kugarura mu murongo mwiza igihugu cyaranzwe n’intambara n’ubwicanyi, bwahitanye abagera ku bihumbi 300 mu myaka 27 gusa.
Perezida Evariste Ndayishimiye, wari unashyigikiwe n’uwo yasimbuye Pierre Nkurunziza baturuka mu ishyaka rimwe, yiyemeje gukomereza aho mugenzi we yari agejeje. Gusa benshi bategereje kureba niba hari impinduka azakora cyane cyane nko mu kugarura umubano mwiza w’u Burundi n’ibindi bihugu ndetse n’imiryango mpuzamahanga, no kumvikanisha Abarundi, abahunze ubutegetsi bwa Nkurunziza bakaba bataha.
Inkuru zijyanye na: Burundi
- Nyaruguru: Ntibatewe ubwoba n’ababateye bavuze ko bazagaruka
- U Burundi bwagabanyije igiciro cy’amazi n’isabune mu rwego rwo guhangana na COVID-19
- Kubura Nkurunziza ni ukubura umujyanama mukuru – Perezida Ndayishimiye
- Burundi: Pierre Nkurunziza arashyingurwa i Gitega
- Burundi: Evariste Ndayishimiye yarahiye, Musenyeri wa Gitega amusaba gucyura impunzi no gufungura amarembo y’igihugu
- Burundi: Evariste Ndayishimiye ashobora kurahira ku wa Kane
- U Rwanda rwashyizeho gahunda yo kwifatanya n’u Burundi kunamira Nkurunziza
- Burundi: Perezida watowe agiye kurahira vuba asimbure Nkurunziza wari usigaje amezi abiri
- Burundi: Inama y’Abaminisitiri igiye kwiga ku mezi abiri Nkurunziza yari asigaje ku butegetsi
- Perezida Kagame yihanganishije Abarundi n’umuryango wa Pierre Nkurunziza
- Burundi: Pierre Nkurunziza yitabye Imana
- U Rwanda rwoherereje u Burundi ubutumwa bw’ishimwe kubera Perezida mushya
- Burundi: Ibyavuye mu matora bikomeje kutavugwaho rumwe
- Burundi: Evariste Ndayishimiye yatsinze amatora n’amajwi 68%
- Pierre Nkurunziza: Aya matora yagaragaje umwihariko
- Burundi: Imbuga nkoranyambaga zose zafunzwe ku munsi w’amatora ya Perezida
- OMS ivuga ko itazi impamvu u Burundi bwirukanye abakozi bayo
- Burundi: Indorerezi zizakurikirana amatora asigaje iminsi 9 zizashyirwa mu kato k’iminsi 14
- Burundi: Abanyamakuru 4 bagejejwe mu rukiko
- Burundi: Hari impungenge ko amatora atazakorwa mu mudendezo
Ibitekerezo ( 1 )
Ohereza igitekerezo
|
|
Abasesenguzi benshi bahamya ko uyu Ndayishimiye azagendera kuli Politike ya Nkurunziza.Bahamya ko azahindura ibintu bike.Mwibuke no nawe yiyita umurokore.Akibagirwa ko Politike idashobora kujyana n’uburokore.Urugero,Imbonerakure zirirwa zica abantu mu Burundi,ni iz’ishyaka CNDD FDD uyu Ndayishimiye akuriye.Kujya gusenga cyangwa kutanywa inzoga sibwo bukristu.Muli Yohana 17:16,Yesu yabujije abakristu nyakuri kutivanga mu byisi.We n’Abigishwa be nta na rimwe bajyaga muli politike.Muribuka bashaka kumugira umuyobozi akanga.