Umushinwa yakuruye imodoka ya Toni 1.6 akoresheje amaso

12-05-2012 - 12:50' | Ibitekerezo ( 4 )

Umugabo w’Umushinwa witwa YangGuanghe yakuruye imodoka yo mu bwoko bwa Mercedes ifite uburemere bwa toni 1.6, akoresheje ibigohegohe(paupieres), tariki ya 28/04/2012.

Tariki 28/04 uyu mwaka nibwo yashoboye kugera kuri icyo gikorwa, avuga ko yitoje imyaka igera kuri 10. Avuga ko yashatse kwerekana ko ubushake bushobora gutuma ibice by’umubiri byose bishobora kugira imbaraga zidasanzwe, nk’uko urubuga 7sur7.be rubitangaza.

Atangaza ati: “Umuntu wese ashobora gukoresha igice cy’umubiri igikorwa gisaba imbaraga nyinshi. Ni ubuhanga bwanjye bwo guhindura ibice by’umubiri bidakora bigakora ikintu gitangaje”.

YangGuanghe yakomeje agira ati: “Bisaba imyaka myinshi y’imyitozo kugira ngo ubashe gukomeza ibigohegohe, bityo ugakora igikorwa nk’ikyi. Sinagira inama umuntu wese kunyigana”.

Tariki 24 uko kwezi yari yinjiye mu gitabo cy’abantu bakoze ibikorwa by’indashyikirwa “Guiness de Records”, nyuma yo gutwara indobo ipima ibiro 23.5 akoresheje ibigohegohe.

Nshimiyimana Leonard