Uyu mugabo utatangajwe amazina yabonye umurinzi wa kasho aje aho yari afungiye, afata indobo indobo y’amazirantoki, agifungura ahita amutera uwo mwanda, umufungwa nawe yisiga umubiri wose asohoka muri kasho yiruka ashaka gucika.

Umunyururu yihindanyije cyane ku gice cyo hejuru ashaka gucika.

Ariko umugambi we waramupfubanye kuko undi murinzi wa kasho wari hafi aho usanzwe amenyereye amayeri y’imfungwa zishaka gutoroka yamwirutse inyuma, undi agenda amutera amazirantoki ariko biba iby’ubusa birangira amufashe nk’uko Ikinyamakuru Mpekuzihuru dukesha iyi nkuru kibitangaza.

Ikinyamakuru Mpekuzihuru cyatangaje ko uyu munyururu yategetswe gukuraho umwanda yanyanyagije ku mbuga ya kasho n’urukiko hose, mbere yo gusubizwa mu munyururu.

N’ubwo urubanza rw’ibyo yari asanzwe akurikiranweho rutaracibwa, urukiko rwahise rumukatira amezi atandatu y’igifungo kubera gushaka gutoroka, akazahabwa ibindi bihano nahamwa n’icyaha asanzwe akurikiranyweho.

Nshimiyimana Leonard