Uyu mugabo wabaye perezida w’Amerika wa 41 yakoze iri kosa tariki 01/09/2013 biturutse ku muvugizi we utarasomye neza inkuru yavuga ku mukambwe Nelson Mandela maze Bush agwa mu ikosa ryo gutangaza ko yapfuye.

Mu butumwa yihutiye gutanga, George Bush yagize ati: “Barbara nanjye tubabajwe n’urupfu rw’umwe mu bemera bakomeje uburenganzira bwa muntu twagize amahirwe yo kumenya. Nka perezida naguye mu kantu ubwo Nelson Mandela yagiraga ubutwari bwo kubabarira abamufunze nabi imyaka 26, atanga urugero rwiza rw’agakiza n’imbabazi kuri bose.

Biravugwa ko indwara ishegeshe Mandela yaba yarayanduriye muri gereza yamazemo imyaka 27

“Yabaye umuntu waranzwe no kudacika intege wahinduye amateka y’igihugu cye. Barabara na njye twubaha Perezida Mandela, twihanganishije umuryango we n’abaturage ba Afurika y’Epfo muri rusange. ”

Iri kosa ryatumye, Mc Grath, umuvugizi wa Bush asaba imbabazi kuko ari we wariteye. Mu magambo ye yanditse ku rubuga nkoranyamabaga rwa Twitter yagize ati “ Ibyo perezida Bush yanditse muri iki gitondo byatewe no gusoma nabi umutwe w’inkuru yanditswe n’ikinyamakuru Washington Post. Ni ikosa ry’ubuswa. Mbasabye imbabazi mwese.”

Ku ruhande rw’igihugu cy’Afurika y’Epfo, umuvugizi wa perezida Zuma avuga ko bafata ibyatangajwe na George Bush nk’ikosa badashobora gutindaho kuko bashyize imbere ubuzima bwa Mandela nk’uko ikinyamakuru The Mailonline dukesha iyi nkuru kibitangaza.

Nelson Mandela w’imyaka 94 yasezerewe mu bitaro tariki 01/09/2013 nyuma yo kumaramo igihe kigera ku mezi abiri aho arwaye indwara y’ibihaha, bivugwa ko yaba yaranduriye muri gereza yamazemo imyaka 27 mu gihe cyo kurwanya ba gashakabuhake bakoreshaga ivangura mu gihugu cye.

Afunguwe mu mwaka wa 1994 yiyamamaje mu matora rusange atorerwa kuyobora igihugu cya Afurika y’Epfo.

Nshimiyimana Leonard