Uyu mugabo yatoranyaga abagore azahotora akanabarya akoresheje uburyo bw’ikoranabuhanga bumuha amakuru yaho abo ashaka gukorera bya mfura mbi baherereye, nk’uko urubuga rwa ABC News rwabitangaje.

Ibyo byamenyekanye ari uko hafashwe ubutumwa bw’ibanga Gilberto yohererezanyaga na mugenzi we bagombaga kuzafatanya muri icyo gikorwa cy’ubugizi bwa nabi bwibasira bimwe mu bice by’imibiri y’abagore biteguraga kurya itogoshejwe mu nkono.

Abagore batoranyijwe bagombaga kujya babanza kubasambanywa byarangira bakabahotora nyuma bakabateka bakanabarya ibice by’imibiri yabo.

Gilberto wari ku isonga muri icyo gikorwa cyo gucura uwo mugambi mubisha yagombaga kujya yifashisha uburyo bwo kubona amakuru ya buri mugore wese yifuza ndetse akanamwitegereza uko ateye ku ifoto byose hakoreshejwe ikoranabuhanga ridasanzwe.

Iryo koranabuhanga ryagombaga kujya rimufasha kumenya aho umugore yifuza ari ndetse nabo bari kumwe bashobora kuba babangamira inyungu ze bwite muri icyo gikorwa.

Mu butumwa Gilberto yohererezaga mugenzi we hari ubwo bandikiranaga amagambo agira ati : « Ni ikihe gice cy’umubiri w’umugore wowe kizakuryohera undi nawe akamusubiza ko ari amaguru maze ikiganiro hagati yabo kigakomeza ».

Preet Bharara umushinjacyaha wo muri Leta Zunze Ubumwe z’Amerika ushinzwe agace k’amajyepfo y’umujyi wa New York avuga ko igikorwa cy’umugambi mubisha wari hagati yabo bagabo uzakomeza gukorwaho iperereza.

Uyu mushinjacyaha asobanura ko iyo dosiye Gilberto akurikiranweho ikomeye muri aya magambo: “ Ni ukuri birenze uko umutimanama wabifata kuba umuntu yafata undi, akamukorera iyicarubozo akamwica yarangiza akamuteka mu nkono akarya”.

Ikindi gituma ubushunjacyaha buvuga ko iyo dosiye ikomeye ngo n’uko uwo burega ari umuntu usanzwe ufite kurinda umutekano w’abantu n’ibyabo nk’umupolisi ariko yarangiza akaba ari we uba mubi kurusha abandi.

Jean Pierre Twizeyeyezu