Uyu mugabo ngo yarabyutse kuwa gatatu tariki 08/08/2012 maze asanga ku muryango we hari ikarito irimo iyo mbunda maze yibaza uko ari bubigenze kuko atemerewe gutunga icyo gikoresho, hanyuma yigira inama yo kubibwira polisi.

Nyuma baje gusangamo fagitire (inyemezabuguzi) igaragaza ko iyo mbunda yari igenewe undi muntu wo mu ntara ya Pennsylivanie ushobora kuba wemerewe kuyitunga ; nk’uko tubikesha ikinyamakuru Lepoint.

Mu gihe polisi ya Washington igikomeje iperereza ku iyoherezwa ry’iyo mbunda, Dan Gross perezida w’ishyirahamwe rirwanya urugomo rukoreshwa imbunda muri uwo mujyi yatangarije ibinyamakuru ko biteye impungenge kuko muri iyi minsi harimo kuba urugomo rukoreshejwe imbunda muri uwo mujyi.

Ernest Kalinganire