Abageni bari bashagawe n’abatashye ubukwe bagenda baririmba mu muhanda hagati, ku buryo nta modoka yabashaga gutambuka. Niyabashaga gutirimuka yagendaga nk’akanyamasyo.

Abageni baturutse ku musigiti uri haruguru gato y’aho abagenzi bategera imodoka za sosiyete Impala, baza bamanuka berekeza ku muhanda ujya mu gasantire k’ubucuruzi ka Rubengera aho bita ku giti kinini.

Si abari batashye ubukwe gusa bari bakurikiye abageni, hari n’izindi nkundarubyino zari zibashagaye, zibagenda imbere n’inyuma ku buryo mu muhanda wagiraga ngo habaye imyigaragambyo y’ibyishimo.

Gasana Marcellin