Muri iyo kariso ngo harimo udukoresho duto dushyirwa mu mwenda ikozemo maze igihe hasohotse umwuka mubi tugahita tuwuburizamo (neutralization).

Nami Yoshida, umuvugizi w’iyo sosiyete avuga ko kugira ngo bagere kuri icyo gikorwa byabatwaye imyaka myinshi babikorera ubushakashatsi.Kwiga kuri aka kambaro ngo babitewe n’uko abantu bamwe basohora umwuka mubi (gusura) maze bikabatera isoni cyangwa ipfunwe mu bantu.

Mbere ngo bumvaga uyu mwambaro bazawushishikariza abantu bita ku barwayi kuko aribo bakunze guhura n’ikibazo cy’umunuko, ariko ubu ngo barimo gutungurwa n’ukuntu abantu benshi barimo kugura ako kenda kagura amayero 30 (asaga ibihumbi 24 mu mafaranga y’u Rwanda).

Nami Yoshida avuga ko abagore aribo ngo barimo kwitabira kugura iyo kariso (caleçon) kurusha abagabo. Kuri ubu, ngo iyo sosiyete irashaka gukora n’imyambaro y’imbere ifite ubwo bushobozi ku masogisi ndetse n’udupira tw’imbere.

Ernest Kalinganire