Ma Linxiang, ari we wasezerewe ku mirimo, ngo yakoreshereje ubukwe bw’umuhungu we mu kigo cy’igihugu gitangirwamo ibiganiro mbwirwaruhame, kandi anatumira abahanzi b’ibirangirire.

Iyi nkuru dusanga kuri 7sur7.be ivuga ko ubu bukwe bwatwaye amayero arenga ibihumbi 200. Ma ubwe ngo yivugira ko kwakira abashyitsi byonyine byamutwaye amayuwani ibihumbi 200 (angana n’amayero ibihumbi 24). Ngo andi yatanzwe n’umuryango w’umukazana we.

Ingano y’ibyatanzwe muri ubu bukwe rero ngo ntiyashimishije komisiyo ngengamyitwarire y’ishyaka rya gikomunisite ryo mu Bushinwa, kuko ngo “ribona bizagira ingaruka mbi ku buzima muri rusange.”

Nyuma yo gusezererwa ku mirimo, Ma Linxiang ari gukorwaho anketi (enquête).

Umukuru w’igihugu cy’ubushinwa, Xi Jinping, yavuze ko agiye gukaza umukanda ku bayobozi ba gikomunisite.

Kubera iyo mpamvu, mu ntangiriro z’ukwezi kwa Nzeri, komisiyo y’igihugu igenzura imyitwarire, ari na yo igenzura iri shyaka rukumbi, yibukije ibisesagura umutungo w’igihugu bigomba kuvaho ku bayobozi.

Ibyo ni nko kwiyakira, gukora siporo, impano cyangwa ibikorwa byo kwishimisha bitagize aho bihuriye n’akazi.

Marie Claire Joyeuse