Metero ebyiri uvuye k’umuhanda ugera ahari iyo mibiri, metero imwe y’ubujya kuzimu niho iyo mibiri yariri, metero 20 uvuye ahari bariyeri mu gihe cya Jenoside hafi y’ishuri ryisumbuye ry’abayisilamu ryitwa ESIG.

Abakozi bari gucukura umusingi bagasangamo imibiri.

Imibiri ibiri yabonetse ni umugore n’umugabo nkuko bigaragazwa n’imyenda bari bambaye ndetse umugabo yasanzweho umwambi w’ingobe, abaturage babibonye n’abayobozi bakaba batashoboye kumenya abaribo.

Kabanda ukuriye Ibuka mu karere ka Rubavu avuga ko batarashobora kumenya abaribo, ariko akavuga ko bagiye gukomeza gushaka amakuru, asaba ko aho hantu bakomeza gushakishwa n’indi mibiri kuko bishoboka ko yahaba kuko hari bariyeri.

Imibiri yabonetse ntiramenyekana.

Abatanze ubuhamya muri Gacaca n’abandi batanze amakuru ntibigeze bavuga kuri iyi mibiri kuko n’abacyekwaga ko baba barahiciwe ngo bajyanywe kuri Komini Rouge, Kabanda akaba avuga ko kuva batarashyingura mu cyubahiro abishwe muri Gisneyi ngo bamenye abashyinguwe n’abadashyinguwe badafite amakuru ku mibiri y’abishwe.

Abishwe baguye iruhande rwa bariyeri muri Jenoside.

Cyakora avuga ko amakuru agiye gukomeza gushakishwa mu baturanyi n’abireze kuko nyiri iki kibanza yitabye Imana ariwe washoboraga gutanga ubuhamya.

Sylidio Sebuharara