Kuri uyu wa gatandatu tariki 5/7/2014 nibwo Banusan yagejeje iyi nkunga ku muyobozi w’akarere ka Gasabo, Willy Ndizeye, nyuma y’uko yiyemeje gutanga inkunga ye mu gikorwa cyo kwibuka cyabereye mu murenge wa Jali mu kwezi kwa Kane uyu mwaka.

Banusan yashyikirije sheki y’amafaranga miliyoni 20 z’mafaranga y’u Rwanda umuyobozi w’akarere ka Gasabo (iburyo).

Amafaranga yatanze akaba azasana amazu y’abacitse ku icumu rya Jenoside yamaze kwangirika yo mu murenge wa Jali, nk’uko yabitangaje ubwo yari muri uyu muhango.

Banusan asanzwee akorera ibikorwa bye by’ishoramari mu Rwanda, aho afite sosiyete ikora mu bijyanye n’amabuye y’agaciro yitwa Minerals Supply Africa Ltd.

Hari hashize amezi agera kuri abiri yiyemeje ko azatanga umusanzu we mu gufasha gusana amazu y’abasizwe iheruheru na Jenoside yakorewe Abatutsi mu 1994.

Iyi nkunga yiyemeje kuyitanga ubwo yari mu murenge wa Jali ahari hibutswe Abatutsi bishswe muri Jenoside yo mu 1994.

Emmanuel N. Hitimana