Iki gitaramo kizaba kibaye ku nshuro yacyo ya gatatu kizatangira saa cyenda z’amanywa kugeza saa mbiri z’ijoro. Insanganyamatsiko y’iki gitaramo cyo guhimbaza igira iti: “Taraka mutima wanjye ushime Imana”; nk’uko bitangazwa na Aimé Ndayitabi, umwe mubategura iki gitaramo.

Rehoboth Choir baririmba.

“Praise and Worship Explosion” y’uyu mwaka ifite intego ebyiri arizo guhuriza hamwe abantu baturuka mu matorero atandukanye no gufasha abatizera kumenya ubwiza bw’Imana n’urukundo ibakunda. Ibi byose bakaba bazabifashwamo n’amasengesho n’indirimbo zihimbaza Imana bateguriye abazaba bitabiriye iki gitaramo.

Muri iki gitaramo, Rehoboth Ministries izafashwa na Azaph yo muri Zion Temple Gatenga mu guhimbaza no kuririmba. Kwinjira muri iki gitaramo gifasha benshi kugarukira Imana, ni ubuntu.

Marie Clemence CYIZA UWIMANIMPAYE