Jozy aherutse gushyira hanze indirimbo “Toi mon petit bebe” yahimbiye umwana we yiteguraga kwibaruka amubwira ko amwishimiye cyane kandi ko azamukunda bidasubirwaho.

Yamubwiraga ko azamwigisha ubuzima kandi ko ari ntacyo azamuburana n’ibindi byinshi. Iyi ndirimbo kandi yanayituye abakobwa bose babyara batarashaka mu rwego rwo kubihanganisha no kubahumuriza mu bigeragezo bahura nabyo muri ubwo buzima.

Jozy yamenyekanye cyane mu ruhando rwa muzika kubera ijwi rye ryiza cyane n’uburyo ari umuhanga mu kuririmba, kubyina no guhimba indirimbo ziryoheye amatwi ibi bikaba bituma abahanzi banyuranye bamaze kumenyekana baba bifuza gukorana nawe indirimbo.

Ni umwe mubahanzi bake bazi kuririmba umuziki w’umwimerere. Yamenyekanye cyane mu gihe gito kubera ubuhanga bwe. Ataramara umwaka muri muzika, Jozy yabaye umwe mubahanzi batsinze amarushanwa ya Talent detection yategurwaga na Gaston Rurangwa uzwi ku izina rya Skizzy ndetse bidatinze ashyirwa mu bahanzi 20 bahataniraga PGGSS umwaka ushize, ibi bikaba ari ibintu bitari bikunze kubaho kubahanzi bakiri bashya.

Zimwe mu ndirimbo ze ni “Ndagarutse” yakoranye na King James, “Nizere nde?” yakoranye na Paccy, “Nyemera”, “Salax Awards” yakoranye na Kim Kizito, “Njye nawe” n’izindi.

Marie Clemence CYIZA UWIMANIMPAYE