Auddy Kelly ubwo yatugezagaho iyi ndirimbo, yadutangarije ko bahisemo gukorana iyi ndirimbo mu rwego rwo kugira ngo bayiture abakundana bose kandi babasaba kubana mu ishavu no mu byishimo hatagize utererana undi.

Auddy Kelly yagize ati : « …iyi ndirimbo twayikoreye abari mu rukundo bose ngo bazabane mu ishavu no mu mu byishimo ntihazagire utererana undi ahubwo urukundo rwabo rurusheho gukomera».

Auddy ft Jody.

Twifuje kumenya byimbitse ku rukundo amaze iminsi avugwaho we na Jody adusubiza ko ntacyo batangaza ku rukundo bakundana gusa atubwira ko iyi ndirimbo bayikoze babitewe n’uko abantu bakomeje kubavugaho urukundo.

Yagize ati : «…nyuma yo kumva amagambo menshi ngo ndi mu rukundo na Jody byatumye twerekeza studio dukorana indirimbo… n’ubwo twakoranye indirimbo ntacyo twatangaza kubijyanye n’urukundo dukundana… ».

Auddy kandi yakomeje adutangariza ko afite imishinga myinshi ya muzika mu rwego rwo kurushaho gushimisha abakunzi be ndetse n’Abanyarwanda muri rusange.

Auddy Kelly ni umuhanzi uzwiho ubuhanga mu kuririmba ndetse n’ijwi ryiza cyane. Asanzwe akora injyana gakondo mu ndirimbo ze akaba kandi ari mu kazi kajyanye no gutegurira abakunzi be alubumu.

Marie Clemence CYIZA UWIMANIMPAYE