Insanganyamatsiko y’iki gitaramo ni “Mutima wanjye taraka, ushime Imana”; nk’uko bitangazwa na Douglas Kigabo, umuyobozi wa Rehoboth Ministries.

Intego ya mbere y’icyo gitaramo ni guhuriza hamwe abantu bavuye mu matorero atandukanye mu mwanya wihariye wo kuramya no guhimbaza Imana wisanzuye.

Bamwe mu baririmbyi ba Rehoboth Minisitries.

Intego ya kabiri ni uguha amahirwe abatizera guhishurirwa ubwiza n’ubuntu bw’Imana binyujijwe mu kuramya no guhimbaza bikaba byatuma bizera bakakira Yesu nk’Umwami n’Umukiza wabo.

Si igitaramo cyo kuririmba mu rwego rwo gushimisha abantu nk’uko akenshi usanga bigenda mu bitaramo ahubwo ngo ni igitaramo cyo kuramya no guhimbaza Imana mu rwego rwo kuvuga ubutumwa kugira ngo benshi bakire agakiza.

Insanganyamatsiko y’iki gitaramo ni “Mutima wanjye taraka, ushime Imana”.

Kwinjira muri iki gitaramo kidasanzwe ni ubuntu ukaba ushobora no gutaha ubugingo bwawe bwanditswe mu gitabo cy’ubugingo. Muri iki gitaramo kandi hazaba hari Cpt Simon Kabera.

Marie Clemence CYIZA UWIMANIMPAYE