Igikorwa byo kumurika iryo rushanwa cyabaye kuri uyu wa Gatanuta tariki 24 Kanama 2018.

Muhinda Aaron utegura iri rushanwa yavuze ko Atari ibikombe bizatangwa ku bazahiga abandi muri CRWA Awards gusa, ahubwo hazatangwa n’amafaranga kubazahiga abandi uzaza imbere yabandi mugukundwa.

Yavuze ko bashaka ko umuziki nyarwanda umenyekana hanze y’u Rwanda, ku buryo abahanzi bamenyekana kandi bakaninjiza amafaranga agaragara.

Yagize ati “Turashaka guteza imbere umuco wacu kandi tuzabagira inama z’uko bakora bamamaza bikorwa by’ibigo runaka, tubibutse ko hakora n’ubundi bucuruzi.

Avuga ko bazafasha abahanzi gukorera amafaranga aho gutahira ibikombe gusa, kandi bakanarushaho kwigarurira uruhando mpuzamahanga.

Muri aya marushanwa ngo hazaba harimo n’ibindi byiciro binyuranye birimo abanyamideri n’abandi bafite aho bahuriye n’imyidagaduro.

Iri rushanwa nkuko ryiyemeje guhemba abahanzi bakoze cyane, ryaba ryiyongereye kuri Primus Guma Guma Super Star, ihemba umuhanzi ukunzwe cyane mu gihugu, ibihembo by’abahanzi bakora umuziki wo kuramya no guhimbaza Imana bizwi nka Groove Awards ndetse na Salax Awards iri mu nzira ishaka kugaruka.