Ibi uyu mutoza yabivuze ejo ku wa Gatatu tariki 20 Nzeri 2023 nyuma y’umukino ubanza wo gushaka itike y’igikombe cya Afurika 2024 wabereye kuri Kigali Pelé Stadium.

Yagize ati "Bafite ba bakobwa tujya tuvuga ko bashobora kuba bafite n’imisemburo y’abagabo, benda kumera nk’abagabo. Urebye nk’ibitego bibiri badutsinze byari ukubera ko abana bagize ubwoba. Mu gihe cyo kwishyushya nabwo abatoza bavuye kubakoresha bambwira ko abana bagize ubwoba cyane, mu rwambariro ngerageza kubaturisha no kubaha imbaraga."

Grâce Nyinawumuntu avuga ko abakinnyi b’Amavubi bagize ubwoba mbere y’uko umukino batsinzwemo na Ghana 7-0 utangira

Grâce Nyinawumuntu yakomeje avuga ko umukino wo kwishyura uzaba kuwa 26 Nzeri 2023 bitazaba ari ukurangiza umuhango kuko bibaye ibyo batsindwa nk’uko batsinzwe ahubwo bazategura ku buryo bazitwara neza.

Ati "Ntabwo tuzajya kurangiza umuhango, tugiye gukina n’ubundi kuko ari ukurangiza umuhango badutsinda ibingana kuriya, tugiye gutegura ku buryo tuzakora ibishoboka byose tukagerageza kwitwara neza kurusha uko twitwaye uyu munsi kubera ko ikipe twayibonye hari icyo tuza gukora nk’urwego rwa tekinike kugira ngo tuzagerageze gukina hariya."

Umukino wo kwishyura uzabera Accra muri Ghana ku wa Kabiri tariki 26 Nzeri 2023 mu gihe igikombe cya Afurika nyirizina kizakinwa mu 2024 mu gihugu cya Maroc.

Amavubi y’abagore yanditse Andi mateka mabi mu mateka yayo:

Gutsindwa n’ikipe ya Ghana byatumye Amavubi yongera kwandika amateka mabi yo gutsindwa ibitego byinshi mu mukino umwe ku nshuro ya kabiri mu mateka. Ibi byaje nyuma y’uko muri 2014 tariki 7 Kamena Amavubi anyagiwe na Nigeria ibitego 8-0 mu mukino wari uwo kwishyura mu gushaka itike y’igikombe cya Afurika cyabaye muri uwo mwaka, ikaba ari nayo ntsinzwi ikomeye Amavubi yagize mu mateka yayo kugeza ubu.

MENYA UMWANDITSI

Jean Jules Uwimana

Umunyamakuru

@UwimanaJeanJul1

Reba inkuru zose nanditse ( 748 )