KT TV
Volleyball: Igiceri cy’ijana cyakwinjiza ku mukino wa Gisagara na UTB kuri uyu wa Gatandatu
Ikipe ya Gisagara VC izakira UTB VC ku munsi wa karindwi wa shampiyona ya Volleyball mu Rwanda.
Ni umukino uzakinwa ku wa Gatandatu tariki ya 22 Gashyantare mu nyubako (Gymnase) iherere mu Karere ka Gisagara.
Ni umukino uzaba ukomeye ku mpande zombi. Mu mukino uheruka guhuza amakipe yombi, ikipe ya Gisagara yatsinze UTB amaseti 3-0.
Umutoza Nyirimana Fidele wa UTB yahesheje Gisagara VC igikombe cya shampiyona ya 2018 mbere yo kwerekeza muri UTB VC.
Ikindi gikomeza uyu mukino ni uko amakipe yombi akurikirana ku rutonde rwa shampiyona aho Gisagara izakira umukino iri ku mwanya wa kabiri n’amanota 13 mu gihe UTB VC iri ku mwanya wa gatatu n’amanota 12.
Kwinjira kuri uyu mukino ni amafaranga 1000 muri VIP, amafaranga 500 mu myanya yo hasi, n’igiceri cy’ijana ahasigaye hose.
Imikino y’umunsi wa karindwi:
Ku wa Gatandatu tariki ya 22 Gashyantare 2020
Muri IPRC Ngoma
11:00 IPRC Ngoma vs APR VC
I Gisagara
15:00 Gisagara VC vs UTB VC
Petit Stade i Remera
19:00 REG VC vs Kirehe VC
Urutonde:
1. REG: imikino 6, amanota 15
2. Gisagara : Imikino 6 ,amanota 13
3.UTB: Imikino 6 amanota 12
4.APR : Imikino 6,amanota 9
5. IPRC Ngoma: Imikino 6,amanota 4
6. Kirehe : imikino 6,Inota 1
Ibitekerezo
Ohereza igitekerezo
|
|
