Mu ibaruwa ifunguye yagenewe uyu mukinnyi n’ikipe ye ya APR VC, federasiyo y’umukino wa volleyball mu Rwanda yemeje ko yamaze gufatira ibihano Gisubizo Merci byo kumuhagarika umwaka wose mu bikorwa bya volleyball ndetse no kumufungira uburenganzira bwo kuba yakwerekeza mu yindi kipe iyo ari yo yose hanze y’u Rwanda.

Gisubizo Merci ni umukinnyi w’umunyarwanda ufite imyaka 18 n’uburebure busaga metero 2.

Gisubizo yakiniye amakipe atandukanye y’abato ndetse yanayoboye bagenzi be batarengeje imyaka 21 mu ikipe y’igihugu mu mikino yabereye mu gihugu cya Tuniziya muri 2022.

Gisubizo Merci ni umukinnyi wa APR VC kuva mu mwaka wa 2021 ubwo yasinyiraga iyi kipe amasezerano y’imyaka 2 avuye mu ikipe ya Don Bosco Gatenga aho yari amaze kuyihesha igikombe cya shampiyona yo mu cyiciro cya 2.