Ibi byatumye ikipe ya APR VC y’abagore yegukana Igikombe bidasubirwaho naho ikipe ya REG VC yiyongerera amahirwe yo kwegukana igikombe cya shampioyona nubwo hagisigaye PHASE imwe izakinwa tariki ya 21 na 22 Mutarama.

Shampioyona ya Volleyball mu Rwanda yatangiye umwaka ushize wa 2022 tariki ya 01 Ukwakira, nk’uko bigaragara mu buryo yakinwemo bw’uduce (PHASES), ubu hasigaye agace kamwe kugirango isozwe dore ko kugeza ubu hamaze gukinwa uduce 7 mu 8 tugize iyi shampiyona.

Ikipe ya APR VC y’abagore bisadubirwaho yo yamaze kwegukana igikombe cy’uyu mwaka cya shampiyona nyuma yo kwegukana agace ka 7 itsinze ikipe ya Forefront ku mukino wa nyuma amaseti 3 kuri 1.

Kuva shampiyona yatangira, ikipe ya APR y’abagore ntiratsindwa umukino n’umwe, ibi akaba ari byo biyihesha igikombe kabone nubwo shampiyona itarasozwa kuko ubu ifite amanota 49 naho ikipe ya Forefront iyikurikiye ikaba ifite amanota 24, ukaba irushwa amanota 7.

Mu cyiciro cy’abagabo ntabwo birasobanuka neza nubwo ikipe ya REG VC ifite amahirwe menshi yo kwegukana igikombe cya shampiyona nyuma yo kongera gutsinda ikipe ya Gisagara ku gace ka karindwi (Phase 7) amaseti 3-2.

Ikipe ya REG VC ubu niyo iyoboye urutonde rwa shampiyona n’amanota 50 aho ikurikiwe n’ikipe ya Gisagara vc n’amanota 49 ikaba iyirusha inota rimwe gusa.

Kugirango ikipe ya REG VC yegukane igikombe cya shampiyona, birasaba ko yazagera ku mukino wa nyuma w’agace ka 8 ari nako ka nyuma.
Icyo gihe nubwo yatsindwa ntacyo byahindura kuko yahita yegukana igikombe.

Ikipe ya POLICE y’u Rwanda (FOREFRONT) ni imwe mu makipe akomeje gutanga akazi cyane ko ari bwo yari igishingwa aho kuri ubu iri ku mwanya 4 n’amanota 40 iri inyuma ya APR ya gatatu ho inota rimwe kuko yo ifite 41.

Biteganyijwe ko PHASE ya munani ari nayo ya nyuma izabera i Kigali mu matariki twavuze haruguru.