Sitting Volleyball: Gasabo, Gisagara na Musanze zatsinze imikino yose
Mu mpera z’iki Cyumweru kuwa Gatandatu no ku Cyumweru, i Gisagara hakiniwe imikino y’agace ka kabiri ka shampiyona ya Sitting Volleyball mu bagabo Musanze, Gisagara na Gasabo zitsinda imikino yazo yose.
![Gasabo mu bagabo yatsinze imikino yayo yose ikaba ari nayo ibitse igikombe giheruka Gasabo mu bagabo yatsinze imikino yayo yose ikaba ari nayo ibitse igikombe giheruka](IMG/jpg/gasabo_mu_bagabo_yatsinze_imikino_yayo_yose_ikaba_ari_nayo_ibitse_igikombe_giheruka_.jpg)
Mu bagabo amakipe 19 agabanyije mu matsinda abiri ni yo yari yitabiriye aka gace aho mu itsinda rya mbere ikipe ya Gasabo isanganywe Igikombe giheruka yatsinze imikino yose uko ari ibiri itsinda Ngoma na Rwamagana amaseti 2-0.
Muri iri tsinda kandi Musanze nayo yatsinze imikino yose aho yatsinze Kicukiro na Gatsibo amaseti 2-0.
![Kicukiro ikina n'ikipe ya Ngoma Kicukiro ikina n'ikipe ya Ngoma](IMG/jpg/kicukiro_ikina_n_ikipe_ya_ngoma.jpg)
Gisagara yari yakiriye aka gace ibarizwa mu itsinda rya kabiri nayo yitwaye neza itsinda imikino yayo yose aho yakinnye na Ruhango na Rubavu, zose izitsinda amaseti 2-0.
Mu cyiciro cy’abagore naho barakinnye aho muri rusange habayemo imikino umunani.
Aha naho ikipe ya Bugesera isanganywe igikombe giheruka, Gicumbi na Musanze zitwaye neza zitsinda imikino yazo yose.
![Imikino yabereye i Gisagara ntabwo yahiriye ikipe ya Nyanza Imikino yabereye i Gisagara ntabwo yahiriye ikipe ya Nyanza](IMG/jpg/imikino_yabereye_i_gisagara_ntabwo_yahiriye_ikipe_ya_nyanza_.jpg)
Bugesera yatsinze Rusizi inatsinda Gakenke amaseti 2-0, Gicumbi mu makipe yatsinze harimo Nyarugenge ndetse na Gakenke zose yatsinze amaseti 2-0 mu gihe Musanze yo yatsinze Rulindo amaseti 2-0 ikanabisubiramo itsinda Ruhango.
Nyuma yo gukina agace ka gatatu ka shampiyona ni bwo hazamenyekana amakipe yitwaye neza azahita yinjira mu mikino ya kamarampaka nkinzira iganisha ku kwegukana ibikombe hasozwa shampiyona.
![Mu makipe Gicumbi yatsinze harimo na Gakenke Mu makipe Gicumbi yatsinze harimo na Gakenke](IMG/jpg/mu_makipe_gicumbi_yatsinze_harimo_na_gakenke.jpg)
Biteganyijwe ko hatagize igihinduka hahita hakurikiraho umwiherero ku makipe y’igihugu abagabo n’abagore aho bazaba bitegura shampiyona ya Afurika izabera muri Nigeria kuva ku ya 27 Mutarama 2024 kugeza kuri 4 Gashyantare 2024 imikino izabonerwamo itike yo kwerekeza mu mikino Paralempike izabera mu Bufaransa mu mpeshyi ya 2024.
![Umutoza Emmanuel Ndamyumugabe(uhagaze) wa Bugesera FC yatsinze imikino yose mu bagore Umutoza Emmanuel Ndamyumugabe(uhagaze) wa Bugesera FC yatsinze imikino yose mu bagore](IMG/jpg/umutoza_emmanuel_ndamyumugabe_uhagaze_wa_bugesera_fc_yatsinze_imikino_yose_mu_bagore.jpg)
![Rutsiro mu mikino yatsinze harimo uwo yatsinze Kicukiro amaseti 2-1 Rutsiro mu mikino yatsinze harimo uwo yatsinze Kicukiro amaseti 2-1](IMG/jpg/rutsiro_mu_mikino_yatsinze_harimo_uwo_yatsinze_kicukiro_amaseti_2-1.jpg)
Ibitekerezo
Ohereza igitekerezo
|