Gasabo na Bugesera begukanye shampiyona ya Volleyball y’abafite ubumuga (Amafoto)
Ku Cyumweru tariki 7 Gicurasi 2023, mu Karere ka Gisagara hasorejwe shampiyona ya Volleyball y’abafite ubumuga (Sitting volleyball), aho ikipe ya Bugesera mu cyiciro cy’abagore na Intwari za Gasabo aribo begukanye shampiyona ya sitting Volleyball 2022-2023 yari imaze amezi 7.
![Umukino wahuje Gisagara na Intwari wari ukomeye Umukino wahuje Gisagara na Intwari wari ukomeye](IMG/jpg/volley_1-30.jpg)
Ikipe y’Intwari za Gasabo yatsinze iya Gisagara VC yari ibitse iki gikombe amaseti 3-0 (26-24, 25-19, 25-16).
Intwari yageze ku mukino wa nyuma isezereye ikipe ya Musanze, iyitsinze amaseti 3-0 (25-17, 25-19, 25-17), naho ikipe ya Gisagara yo yageze ku mukino wa nyuma isezereye iya Rusizi nayo iyitsinze amaseti 3-0 (25-9, 25-16, 25-23).
Ku mukino wo guhatanira umwanya wa gatatu, ikipe ya Musanze yatsinze iya RUSIZI amaseti 2-1 (25-19, 25-22
![Intwari za Gasabo zegukanye igikombe zitsinze Gisagara ku mukino wa nyuma Intwari za Gasabo zegukanye igikombe zitsinze Gisagara ku mukino wa nyuma](IMG/jpg/volley_5-16.jpg)
Mu cyiciro cy’abagore, ikipe y’Akarere ka Bugesera yongeye kwisubiza igikombe, itsinze ku mukino wa nyuma iya Nyarugenge amaseti 3-0 (25-14, 25-22, 25-22).
Ikipe ya Bugesera yageze ku mukino wa nyuma isezereye ia Gicumbi muri ½, iyitsinze amaseti 3-0 (25-21, 25-13,27-25) naho iya Nyarugenge yo yageze ku mukino wa nyuma isezereye ikipe ya Musanze muri 1/2 ku maseti 3-2 (25-23, 25-21, 9-25, 17-25, 16-14).
Ku mukino wo guhatanira umwanya wa gatatu wahuje ikipe ya Musanze na Gicumbi, ikipe ya Gicumbi yatsinze Musanze amaseti 2-1 (25-21, 17-25, 15-10).
![Ikipe ya Bugesera y'abagore bafite ubumuga niyo ibitse igikombe giheruka Ikipe ya Bugesera y'abagore bafite ubumuga niyo ibitse igikombe giheruka](IMG/jpg/volley_2-23.jpg)
Dore uko amakipe 3 ya mbere yakurikiranye
Abagabo
1. Gasabo
2. Gisagara
3. Musanze
![Ikipe ya Rusizi yatsindiwe muri 1/2 na Gisagara Ikipe ya Rusizi yatsindiwe muri 1/2 na Gisagara](IMG/jpg/volley_3-22.jpg)
Abagore
1. Bugesera
2. Nyarugenge
3. GICUMBI
Shampiyona y’uyu mwaka yitabiriwe n’amakipe yiganjemo ay’uturere, aho hitabiriye amakipe 29 yose hamwe, 19 muri yo yari ay’abagabo mu gihe ay’abagore yari 10.
![Nyarugenge yegukanye umwanya wa 2 Nyarugenge yegukanye umwanya wa 2](IMG/jpg/volley_6-10.jpg)
![Ikipe ya Gicumbi yegukanye umwanya wa 3 mu bagore Ikipe ya Gicumbi yegukanye umwanya wa 3 mu bagore](IMG/jpg/volley_8-6.jpg)
![Iyi mikino ya nyuma yitabiriwe n'abayobozi barimo Habyarimana Florent ushinzwe amafederasiyo muri Minisiteri ya siporo Iyi mikino ya nyuma yitabiriwe n'abayobozi barimo Habyarimana Florent ushinzwe amafederasiyo muri Minisiteri ya siporo](IMG/jpg/volley_7-12.jpg)
Ibitekerezo
Ohereza igitekerezo
|