Ikipe ya Bugesera y’abagore niyo ibitse igikombe cy’umwaka ushize

Aka gace ni kamwe mu duce tugize shampiyona y’u Rwanda y’uyu mwaka muri shampiyona ya volleyball y’abafite ubumuga aho igenda ibera mu bice bitandukanye by’igihugu mu rwego rwo kwegereza imikino y’abafite ubumuga hirya no hino mu gihugu.

Shampiyona yuyu mwaka yitabiriwe n’amakipe yiganjemo ay’uturere aho hitabiriye amakipe 29 yose hamwe.

Intwari za Gasabo ziraseruka kuri uyu wa Gatandatu

Muri uyu mwaka w’imikino amakipe y’abagabo yitabiriye ni 19 mu gihe amakipe y’abagore yitabiriye arI 10 naho agace gaheruka ka kabiri (Phase 2) ko kakaba karabereye mu karere ka Huye mu nzu y’imikino ya Kaminuza y’u Rwanda ishami rya Huye.

Amakipe y’abagabo ategerejwe i Gicumbi ni GISAGARA, GASABO, MUSANZE, RUBAVU, RUSIZI, KICUKIRO, KARONGI, RUHANGO, BURERA, RUTSIRO, NYAMASHEKE, NGOMA, NYAGATARE, GATSIBO, KAYONZA, MUHANGA ndetse na RULINDO.

Shampiyona ya Volleyball y’abafite ubumuga irakomeza hakinwa agace ka gatatu.

Amakipe y’abagore ni BUGESERA, GICUMBI, MUSANZE, NYARUGENGE, RUBAVU, GAKENKE, RUHANGO, RULINDO, NYANZA ndetse na RUSIZI.

Tubibutse ko shampiyona y’umwaka ushize ya Sitting volleyball yegukanywe n’amakipe y’akarere ka Gisagara mu bagabo ndetse na Bugesera mu bagore.

Ikipe ya Gisagara niyo ibitse igikombe cya Shampiyona cy’umwaka ushize