Usain Bolt wari warabaye uwa mbere mu mikino Olympique ya 2008 yabereye i Beijing mu Bushinwa akoresheje amasegonda 9n’ibice 69, yongeye gusiga bagenzi be ndetse yesa muhigo yari yesheje ubushize kuko ubu metero 100 yazirutse mu masegonda 9 n’ibice 63.

Bolt w’imyaka 25 yakurikiwe na mugenzi we w’Umunya-Jamaica Yohan Blake bakorera hamwe imyitozo akaba ari n’inshuti ye we akaba yarakoresheje amasegonda 9 n’ibice 75.

Umwanya wa gatatu wegukanywe n’Umunyamerika Justin Gutlin wakoresheje amasegonda 9 n’ibice 79.

Ku mwanya wa kane haje Umunaymerika Tyson Gay wakoresheje amasegonda 9,80, Ryan Bailey na we ukomoka muri Leta Zunze Ubumwe za Amerika yaje ku mwanya wa gatanu akoresheje amasegonda 9.88.

Umuholandi Churandy Martina yabaye uwa gatandatu akoresheje amasegonda 9,94 naho Richard Thompson ukomoka muri Trinidad yabaye uwa karindwi ari na we wa nyumaa akoresheje amasegonda 9.98.

Dore uko imihigo yagiye yeswa mu mikino Olympique kuva mu 1936 kugeza mu 2012:

2012 London - Usain Bolt (Jamaica) 9.63

2008 Beijing - Usain Bolt (Jamaica) 9.69

2004 Athens - Justin Gatlin (USA) 9.85

2000 Sydney - Maurice Greene (USA) 9.87

1996 Atlanta - Donovan Bailey (Canada) 9.84

1992 Barcelona - Linford Christie (Umwongereza) 9.96

1988 Seoul - Carl Lewis (USA) 9.79

1984 Los Angeles - Carl Lewis (USA) 9.99

1980 Moscow - Alan Wells (Umwongereza) 10.25

1976 Montreal - Hasely Crawford (Trinidad) 10.06

1972 Munich - Valeriy Borzov (Soviet) 10.14

1968 Mexico City - Jim Hines (USA) 9.95

1964 Tokyo - Bob Hayes (USA) 10.0

1960 Rome - Armin Hary (Ubudage) 10.2

1956 Melbourne - Bobby Morrow (USA) 10.62

1952 Helsinki - Lindy Remigino (USA) 10.79

1948 London - Harrison Dillard (USA) 10.3

1936 Berlin - Jesse Owens (USA) 10.3

Theoneste Nisingizwe