Nyuma yo kubona itike yo kuzakina imikino Paralympique izabera i Londres mu Bwongereza , byabaye ngombwa ko bakorera imyitizo ku mugabane w’Uburayi kuko ari naho hazanabera imikino Paralympique barimo gutegura; nk’uko bitangazwa n’umuyobozi wungirije mu Ishyirahamwe ry’umukino w’abamugaye mu Rwanda (NPC) Elie Manirarora.

Aho iyo kipe izaba iri kuva tariki 7 kugeza tariki 19 Gicurasi, bazanaboneraho kuhakina imikino ya gicuti. Ibyo bizasha ikipe y’u Rwanda kumenyera ikirere cyaho ndetse no gukina n’amakipe yaho akomeye, bikazabongerera imbaraga.

Mu Ugushyingo umwaka ushize u Rwanda rwabonye itike yo kuzakina imikino Paralympique, nyuma yo gutwara igikombe cyahuzaga amakipe yo muri Afurika yo munsi y’ubutayu bwa Sahara, imikino yabereye i Kigali.

Nyuma y’imyitozo izakorera ku mugabane w’Uburayi, ikipe y’igihugu ya Sitting Volleyball izagaruka mu Rwanda ikomeze imyitozo yitegura kujya mu marushanwa y’isi (Paralympic Games) azabera i Londres mu kwezi kwa munani.

Dore abakinyi 12 bazajya ku mugabane w’Uburayi bayobowe n’umutoza Peter Karreman: Vuningabo emile, Bizimana Dominique, Twagirayezu Callixte, Ngizwenimana Jean de Bosco, Ngirinshuti Eric, Ntawiha Fidele, Hagenimana Fulgence, Gahamanyi Jean Baptiste, Rutikanga James, Tuyisenge Vincent, Murema Jean Baptiste, Ntagawa Charles.

Theoneste Nisingizwe