Guhera ku i Saa mbili za mu gitondo zo kuri uyu wa Gatatu taliki ya 11/05/2016, kapiteni w’ikipe y’igihugu ya Cricket akaba na Kapiteni wa Right Guards CC Eric Dusingizimana yatangiye urugamba rwo kumara amasaha 51 akina umukino wa Cricket aho aza kuba agarura udupira azajya aterwa n’abantu batandukanye baba kuri Petit Stade Amahoro aho iki gikorwa kiri kubera.

Eric Dusingizimana witeguye gukora amateka

Uyu mukinnyi w’umunyarwanda naramuka abigezeho, araba abaye uwa mbere ukoze ayo mateka kuko undi wamaze igihe kinini ari umuhinde uzwi ku izina rya Virag Mare wamaze amasaha 50.

Hano aragarura udupira

Uyu ni umwe mu boherezaga udupira

Umaze gutera udupira bamwandika mu gitabo

Ni igikorwa kiri kubera kuri Petit Stade Amahoro, aho buri muntu wese ubyifuza ashobora kwitabira akanabasha kohereza utwo dupira kuri Eric Dusingizimana uza kuba akora ako kazi ko kutugarura.

Biteganijwe kandi ko ku i Saa Sita z’amanywa uwahoze ari Minisitiri w’intebe w’Ubwongereza Tony Blair aza kuba nawe yitabira iki gikorwa ndetse akaza no gutera utwo dupira dukoreshwa mu mukino wa Cricket.

Uyu mukinnyi naramuka abigezeho kandi, azahita yandikwa mu gitabo cyandikwamo abantu bakoze ibintu bidasanzwe ku isi kizwi nka Guiness des records cyangwa Guinness world records.

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2586 )