Ishyirahamwe ry’imikino y’abafite ubumuga mu Rwanda (NPC) ku bufatanye n’urwego rushinzwe intwari z’igihugu, impeta n’imidari by’ishimwe (CHENO) bateguye imikino ya Heroes Sitting Volleyball Tournament mu rwego rwo kuzirikana intwari z’u Rwanda.

Iyi mikino ya Siiting Volleyball iteganyijwe kuri uyu wa Gatandatu

Amakipe 8 arimo abagabo n’abagore ni yo biteganyijwe ko azitabira iri rushanwa aho amakipe 4 ya mbere muri buri cyiciro ari yo azahatanira iri rushanwa. Biteganyijwe ko imikino yose izakinirwa mu mujyi wa Kigali ahazwi nka Club Rafiki kuri uyu wa Gatandatu tariki ya 4 Gashyantare.

Amakipe umunani ni yo azahatana mu byiciro byombi

Amakipe y’abagabo ane yabaye aya mbere muri shampiyona ni Gisagara, Karongi, Gasabo, ndetse na Rutsiro. Mu cyiciro cy’abagore amakipe ane yabaye aya mbere ni Bugesera, Nyarugenge, Musanze ndetse na Gicumbi.

Gisagara Sitting Volleyball Club ni imwe mu makipe azitabira iyi mikino

Biteganyijwe ko imikino yose izatangira Saa tatu za mu gitondo ndetse irushanwa rikazamara umunsi umwe.

Iyi mikino yo kwizihiza umunsi w’intwari z’u Rwanda igiye kuba ku nshuro ya kane, nyuma ya 2018, 2019 na 2020.