Rayon Sports na APR FC zaratsinze, Musanze ikomeza kuyobora shampiyona (Amafoto)

Yanditswe na

Sammy Imanishimwe

5-11-2023 - 17:16' | Ibitekerezo ( 1 )

Shampiyona y’icyiciro cya mbere mu mupira w’amaguru yakomeje mu mpera z’iki cyumweru aho APR FC na Rayon Sports zabonye amanita atatu, Kiyovu Sports igatsindirwa i Musanze

I Nyamirambo, Mukura yanyagiwe na Rayon Sports

Ni wo mukino wari wafashwe nk’umukino w’umunsi, wahuzaga amakipe yahanganye kuva kera, akaba n’amakipe yose akomokamu ntara y’Amajyepfo, Mukura mu karere ka Huye ndetse na Rayon Sports mu karere ka Nyanza.

Ikipe ya Rayon Sports yafunguye amazamu hakiri kare ku munota wa 12 gitsinzwe na Muhire Kevin kuri Coup_franc yari itewe na Heritier Nzinga Luvumbu.

Ikipe ya Mukura yaje guhita yishyura iki gitego ku ishoti rya kure ryatewe na Iradukunda Elie Tatou, umunyezamu Hakizimana Adolphe ntiyabasha kuwugarura, igice cya mbere cy’umukino cyarangiye ari igitego 1-1.

Ku munota wa 65, Rayon Sports yatsinze igitego cya kabiri cyatsinzwe na Aruna Moussa Madjaliwa, ku munota wa 87 Luvumbu atsinda icya gatatu kuri Penaliti mu gihe, Mvuyekure Emmanuel yatsinze icya kane ku munota wa 90+2.

APR i Ngoma byabanje kuyig

ora ariko icyura ayuzuye

Kuri Stade y’akarere ka Ngoma aho ikipe ya Muhazi United yakirira imikino yayo, ikipe ya APR FC yaraye ihakuye amanita atatu. Muhazi United ni yo yari yafunguye amazamu ku munota wa 27 gitsinzwe na Twizerimana Onesme wigeze no gukinira APR FC.

Ku munota wa 43, APR FC yishyuye igitego gitsinzwe na Victor Mbaoma wahise wuzuza ibitego bitandatu muri Shampiyona. APE Fc yabonye igitego cy’intsinzi cyatsinzwe na Kwizera Alain Bacca ku munota wa 77.

Musanze ikomeje kuyobora urutonde rwa shampiyona, hari hatahiwe Kiyovu Sports.

Kuri Stade Ubworoherane y’akarere ka Musanze, ikipe ya Musanze FC yari yakiriye Kiyovu Sports, umukino warangiye Musanze itsinze Kiyovu Sports igitego 1-0 ari nako umukino warangiye. Ibi byatumue Musanze FC ikomeza kuyobora urutonde rw’agateganyo rwa shampiyona.

Sunrise yavuye ku mwanya wa nyuma, Etoile de l’Est nayo itsinda Kiyovu.

Mu mikino yabaye kuri iki Cyumweru, ikipe ya Sunrise yari imaze iminsi ku mwanya ya nyuma, yatsinze AS Kigali igitego 1-0 bituma ihita iva ku mwanya wa nyuma.

I Ngoma, ikipe ya Etoile de l’Est nayo yitwaye neza itsinda ikipe ya Gasogi United igitego 1-0.

Amakipe y’i Rubavu yitwaye neza

Ku wa Gatandatu kuri Stade Umuganda ikipe ya Marine FC yahatsindiye Amagaju igitego 1-0, naho kuri iki. cyumweru Etincelles itsinda Bugesera ibitego 3-2.