Myugariro ukina ku ruhande rw’ibumoso muri APR FC, mu minsi mike arerekeza ku mugabane w’i Burayi mu gihugu cya Serbia, aho agiye gukora igeragezwa mu ikipe kugeza ubu avuga ko ataramenya izina ryayo.

Emmanuel Imanishimwe ni umwe mu bakinnyi bafatiye runini APR FC

Mu kiganiro yagiranye n’itangazamakuru nyuma y’umukino wa nyuma usoza imikino ibanza, yatangaje ko kugeza ubu asigaje kubona ibyangombwa ubundi agahita agenda, akazajyana na Ombolenga Fitina basanzwe bakinana muri APR FC.

"Bimwe mu bisabwa byarabonetse, hasigaye Visas, umutoza wahoze adutoza yabigizemo uruhare gusa bari babanje kubona amashusho yacu, umutoza ahita nawe agira icyo adufasha"

"Sinapfa kuvuga ngo APR ndayirangira uyu mukinnyi, gusa hari benshi baza bagakina ku mwanya wanjye kandi neza, abafaite amahirwe mbona bo ku rwego rwa APR baza bakansimbura ni Eric Rutanga na Muvandimwe JMv wa Police FC"

Asanga Eric Rutanga wahoze muri APR FC ayisubiyemo yamusimbura neza

Emmanuel Imanishimwe uzwi ku izina rya Mangwende, ari gukina umwaka wa gatatu muri APR FC, aho yayigiyemo avuye muri mukeba Rayon Sports, bikaba biteganyijwe ko ashobora guhita ajya muri Serbia akanasinya amasezerano igihe ikipe yaba imushimye.

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2588 )