Police Hc yatsinze APR Hc yegukana igikombe cy’Intwari

Mu irushanwa ryo kuzirikana Intwari z’u Rwanda, mu mukino wa Handball Police ni yo yegukanye igikombe itsindiye APR HC mu karere ka Gicumbi

Ni irushanwa ryaberaga mu karere ka Gicumbi, rikaba ryari ryateguwe n’Urwego rw’Igihugu rushinzwe Intwari z’Igihugu, Imidari n’Impeta y’Ishimwe, ku bufatanye n’ishyirahamwe ry’umukino wa Handball mu Rwanda.

JPEG - 330.7 kb
Perezida w’Urwego rw’Igihugu rushinzwe Intwari z’Igihugu, Imidari n’Impeta y’Ishimwe, Dr. Habumuremyi Pierre Damien akurikirana irushanwa

Iri rushanwa ryakinwaga mu cyiciro cy’abagabo ndetse n’abagore, ryatangiye ku wa Gatandatu risozwa kuri iki cyumweru, ryegukanywe na Kiziguro mu bakobwa, naho mu bagabo ryegukanwa na Police HC.

Mu cyiciro cy’abagabo, Police yahuriye ku mukino wa nyuma na APR HC, aho Police yari yahageze itsinze Gicumbi ibitego 49 kuri 20, naho APR ihagera itsinze ES Kigoma ibiteg0 41 kuri 29.

Ku mukino wa nyuma Police Hc niyo yatangiye iyobora umukino, iza gutinda mu minota ya mbere ibitego bitanu kuri kimwe cya APR Hc, gusa APR Hc iza kwishyura baranganya, ndetse iza no gushyiramo ikinyuranyo cy’ibitego bine, igice cya mbere kirangira APR iyoboye ku bitego 17-15.

JPEG - 155.8 kb
Wari umukino urimo guhangana cyane
JPEG - 333.1 kb
Umunyezamu wa Police wayifashije cyane kwegukana igikombe

Mu gice cya kabiri, Police HC yagarutse yahinduye umukino ihita inatsinda APR iyirusha ibitego bibiri, bakomeza kugenda bari imbere ya APR kugeza umukino urangiye Police yegukanye intsinzi y’ibitego 29-28.

JPEG - 448.2 kb
Police HC yishimira igikombe
JPEG - 352 kb
Perezida w’Urwego rw’Igihugu rushinzwe Intwari z’Igihugu, Imidari n’Impeta y’Ishimwe, Dr. Habumuremyi Pierre Damien ashyikiriza igikombe Police HC

Uko imikino yagenze mu bakobwa

TTC De la Salle 28 - 13 Karuganda

Kiramuruzi 22 - 17 TTC de la Salle

Kiziguro 18 - 14 Es Kirambo

Es Kirambo 13 - 7 TTC de la Salle

Kiziguro SS 13 - 11 Karuganda

Es Kirambo 24 - 7 Karuganda

Uko amakipe yakurikiranye

1.Kiziguro SS

2.Es Kirambo

3.TTC de la Salle

4.ES St Joseph Karuganda

JPEG - 298.6 kb
Perezida wa Ferwahand Utabarutse Theogene ashyikiriza igikombe ikipe ya Kiziguro
Kwibuka25

MENYA UMWANDITSI

PROMOTED STORIES

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka