Ni imikino yatangiye kuri uyu wa Gatandatu mu bagabo, aho amakipe yari agabanyije mu matsinda abiri, irya mbere rikinira muri Kaminuza y’u Rwanda mu ishami ry’uburezi (UR-CE), naho irya kabiri rikinira Kimisagara, mu gihe abakobwa bo bakinnye imikino yabo kuri iki cyumweru ku Kimisagara.

Mu mikino ya nyuma yabaye kuri iki cyumweru,mu bagabo APR Hc na Police Hc ni zo zari zabaye iza mbere mu matsida zari zirimo, ziza no guhurira ku mukino wa nyuma, maze APR Handball Club iza kwigaranzura ikipe ya Police Handball Club yari imaze iminsi yiharira ibikombe muri uyu mukino, iyitsinda ibitego 37 kuri33.

Mu bakobwa, ikipe ya Gorillas Handball Club yegukanye igkombe nyuma yo gutsinda GS Mwendo ibitego 18-17, ni nyuma yo kwiyambaza iminota y’inyongera kuko umukino wari warangiye amakipe yombi anganya ibitego, hiyambaza iminota 10 ari nayo ikipe ya Gorillas yayifashije kwegukana iki gikombe.

Uko imikino yo mu matsinda yari yagenze mu bagabo

Itsinda A :

Nyakabanda 26 - UR CE 22
Police 32 - UR CE 16
Police 30 - 20 Nyakabanda

Uko amakipe yakurikiranye:

1. Police (Amanota 6)
2. Nyakabanda (Amanota 4)
3. UR CE (Amanota 2)

Itsinda B:

ES Kigoma 26 - ST. ALOYS 18
APR 22 - ES Kigoma 11
ST ALOYS 15 - APR 35

Uko amakipe yakurikiranye
:

1.APR (Amanota 6)
2.ES KIGOMA (Amanota 4)
2.ST ALOYS (Amanota 2)