Imikino y’uyu munsi wa karindwi igiye gukurikirwa n’ikiruhuko cy’igihe kirekire hategurwa ikipe y’igihugu igomba guhurira na Marooc mu mukino wa gicuti uzakinwa n’abakinnyi bakina muri iyi shampiyona gusa.

Ku kibuga cya Kigali, ikipe ya APR FC yari yakiriye Espoir yaherukaga gutsindwa na Rayon Sports. Iyi kipe y’i Rusizi yari yarashoboye kunganya na APR FC 0-0 mu mwaka ushize wa shampiyona, ntabwo yashoboye kwihagararaho kuri uyu wa gatandatu.

Sekamana Maxime uri mu bakinnyi batunguranye mu gusigwa mu ikipe y’igihugu ni we wafunguriye amazamu ikipe ya APR FC, mbere yaho Mwiseneza Djamar na we utarahamagawe atsindiye igitego cyiza kuri Coup Franc maze umukino ukarangira ari ibyo bitego 2-0.

Rayon Sports na yo yari i Gicumbi ku kibuga yari yaratsindiyeho Gicumbi ubwo yahaherukaga, yongeye gushimangira intsinzi aho umusore wayo mushya Muganza Isaac yayitsindiraga ibitego bibiri muri uwo mukino batahukanye na bo intsinzi ya 2-0.

Mu yindi mikino, igitego cya Baby Miamy Mbakiye cyafashije Kiyovu Sports kubona amanota atatu yikurikiranya ubwo yatsindiraga Etincelles ku Mumena 1-0 mu gihe Sunrise na Musanze zanganyirije i Rwamagana 0-0.

Imikino itegerejwe kuri iki cyumweru

AS Kigali vs Isonga (Regional)

Marines vs Amagaju (Umuganda)

Police vs Mukura (Kicukiro)

Urutonde rwa shampiyona

1 APR 07 05 02 00 10 03 07 17

2 RAYON SPORTS 07 05 01 01 14 05 09 16

3 SC KIYOVU 07 04 01 01 08 08 00 13

4 AMAGAJU 06 03 01 02 04 03 01 10

5 POLICE 06 02 03 01 08 04 04 09

6 AS KIGALI 06 02 03 01 05 02 03 09

7 SUN RISE 07 02 03 02 07 05 02 09

8 MUSANZE 07 02 03 02 03 03 00 09

9 GICUMBI 07 02 02 03 05 07 -2 08

10 ESPOIR 07 02 01 04 03 05 -2 07

11 MARINES 06 02 01 03 06 08 -2 07

12 ETINCELLES 07 01 02 04 06 10 -4 05

13 ISONGA 06 00 03 03 05 15 -10 03

14 MUKURA VS 06 01 02 04 02 07 -5 02

Jado Dukuze