Ku munota wa 27 w’igice cya mbere, umukinnyi Angel Di Maria yari amaze kubonera igitego Manchester United yari yakiriye Everton ku kibuga Old Trafford. Stiven Naismith wa Everton yaje kucyishyura ku munota wa 55, Manchester yakomeje kwerekana umukino mwiza irusha Everton, iza kongeramo ikindi ibifashijwemo na Falcao ku munota wa 62, umukino urangira utyo.

Abafana ba Manchester United bishimiye cyane uyu mwanya ikipe bakunda yajeho, bakaba bayifuriza kuguma kwigira imbere nk’uko Kayiranga Emmanuel umwe muri bo yabidutangarije.

Yongeraho ko ari ikintu bari banyotewe cyane ko ikipe igaruka mu ruhando yahozemo. Mu mwaka ushize wa Shampiyona ndetse no kuva uyu mwaka watangira ikipe ya Manchester United ntiyaherukaga kuza muri Big Four.

N’amanota 19 Chelsea yatsinze Arsenal 2-0 iyoboye Premier League by’agateganyo naho Manchester City yo ikaba iyikurikira n’amanota 14, Southampton ni iya gatatu n’amanota 13 naho Manchester United ikaba yaje ku mwanya wa 4 n’amanota 11 ikurikiwe na Swansea na 11 ariko bigatandukanywa n’ibitego zizigamye. Manchester United izigamye ibitego bitatu naho Swansea ikazigama ibitego bibiri.

Ikipe ya Arsenal iri ku mwanya wa 8 n’amanota 10 izigamye ibitego 2 naho Liverpool ikaba iri ku mwanya wa 9 n’amanota10 nta gitego izigamye.

Safari Viateur