Uyu mukinnyi wageze mu ikipe ya Rayon Sports mu mwaka wa 2013 ,akaba yari yarasinye imyaka ibiri yagomba kurangirana n’uyu mwaka w’imikino wa 2014-2015,aho yagombaga kurangizanya n’imikino y’igikombe cy’amahoro.

Djihad Bziimana mbere y’uko imikino y’igikombe cy’amahoro irangira,yakomeje kuvuga ko ibiganiro na Rayon Sports biri hafi kurangira,ndetse akaba yumva ko nka 80% azaba umukinnyi w’ikipe ya Rayon Sports mu mwaka w’imikino utaha.

Mu mukino wa nyuma w’igikombe cy’amahoro yahembwe nk’umukinnyi mwiza (Man of the match)

Amakuru atugeraho aremeza ko uyu mukinnyi Djihad Bizimana yari yemerewe guhabwa andi masezerano y’imyaka ibiri kuri milioni 6 z’amanyarwanda nk’uko yayasabaga,gusa nyuma ngo yaje kubabwira ko ategereje ko Haruna Niyonzima (Nyirarume) aza kumurebera uko ayo masezerano ameze kugira ngo abe yayasinya.

Nyuma y’aho ngo ikipe ya Rayon Sports yakomeje kumuhamagara ngo aze asinye akababwira ko hari izindi gahunda zamutunguye yagiyemo,kugeza aho kuri uyu wa gatanu ubwo twandikaga iyi nkuru yari ataremera gusinya ayo masezerano,ahubwo ngo yatumaga bamwe mu bantu be ba hafi ngo babwire Rayon Sports ko akeneye Milioni umunani n’umushara w’ibihumbi 500 ku kwezi.

Mu buzima busanzwe Djiahad akunda kugisha inama

Andi makuru kandi aravuga ko uyu mukinnyi yaba ashakishwa n’ikipe ya APR Fc yamaze gutakaza umukinnyi wayo Mugiraneza Jean Baptiste werekeje mu ikipe ya Azam Fc,n’ubwo kandi mu minsi ishize ubwo yaganiraga na Kigali Today,yadutangarije ko na Police Fc bigeze kugirana ibiganiro ngo abe yayerekezamo.

Sammy IMANISHIMWE