APR yatsitaye kuri Marines biyibuza umwanya wa mbere

Yanditswe na

Sammy Imanishimwe

4-04-2016 - 09:18' | Ibitekerezo ( 2 )

Mu mikino ya Shampiona itari yarakiniwe igihe yabaye kuri iki cyumweru,APR yanganyije na Marines,mu gihe Police Fc yatsinze AS Kigali

Kuri iki cyumweru taliki ya 03/04/2016,Shampiona y’icyiciro yari yakomeje hakinwa imikino y’ibirarane yagombaga gukinwa ubwo APR fc na Police Fc zari mu mikino mpuzamahanga yahuzaga amakipe yabaye aya mbere mu bihugu byayo,aho aya makipe yaje gusezererwa yose muri 1/16.

APR Fc ntiyabashije gutsinda umukino wa Marines yakinnye kuri iki cyumweru

APR Fc mu mukino wayihuje na Marines,byasabaga ko APR Fc itsinda maze igahita iyobora urutonde rwa shampiona y’icyiciro cya mbere by’agateganyo,gusa ntibyayihiriye kuko amakipe yombi yanganyije 0-0

Undi mukino wabereye kuri Stade ya Kicukiro,Police Fc ibifashijwemo na Danny Usengimana yaje gutsinda AS Kigali,bituma Police Fc isigara irushwa inota rimwe na AS Kigali yayirushaga ane mbere y’umukino.

Urutonde rw’agateganyo

Ikipe	Imikino	Amanota
01 RAYON SPORTS	15	32
02 MUKURA VS	15	32
03 APR FC	14	31
04 AS KIGALI	14	28
05 POLICE FC	14	27
06 KIYOVU SPORTS	15	23
07 GICUMBI FC	15	21
08 BUGESERA FC	15	21
09 SUNRISE FC	15	19
10 AMAGAJU FC	15	18
11 MARINES FC	15	17
12 MUSANZE FC	15	15
13 ESPOIR FC	15	15
14 RWAMAGANA CITY FC	15	9
15 ETINCELLES FC	14	6
16 AS MUHANGA	15	4