Nyuma y’aho ikipe ya Police Fc inyujije umweyo mu bakinnyi bayikiniye mu mwaka w’imikino wa 2014/2015 ikinjiza abakinnyi bagera kuri 14,kuri uyu wa gatandatu kuri Stade ya Kicukiro irakomeza gahunda yo kwitegura shampiona ya 2015/2016 iteganijwe gutangira taliki ya 18/09/2015.

Police Fc n’Amagaju barongera guhurira kuri Stade ya Kicukiro

Amagaju yiteguye kongera kwitwara neza imbere ya Police Fc

Police Fc yarangije shampiona ya 2014/2015 iri ku mwanya wa gatatu

Abakinnyi bashya ba Police FC (aho bavuye)

Ndatimana Robert (Rayon Sports)
Ngomirakiza Hegman (APR FC)
Patrick Umwungeri (As Kigali)
Mushimiyimana Mouhamed (As Kigali)
Neza Anderson (SEC)
Hakim Tuyisenge (Isonga)
Muganza Isaac(Rayon Sports)
Songa Isaie (As Kigali)
Muvandimwe Jean Marie Vianney (Gicumbi)
Bwanakweri Emmanuel (Gicumbi)
Danny Usengimana (Isonga)
Gahonzire Olave (Nta kipe yari afite)
Japhet Hakizimana Irambona (Musanze)
Jean Paul Uwihoreye (Musanze)

Police Fc yongeyemo abakinnyi bagera kuri 14

Ku ruhande rw’ikipe y’Amagaju nayo imaze ibyumweru bigera kuri bibiri iri mu myitozo,ikomeje nayo gahunda yo kuba yakwiyubaka,aho bivugwa ko yaba iteganya gusinyisha abakinnyi babiri bakiniraga Isonga Fc,umukinnyi ukina nka myugariro wakiniraga SORWATHE witwa Musafili Protogene ndetse na Cassien Nzamurambaho (Taiwo) wavuye mu ikipe ya Gicumbi FC.

Muhindo Jean Pierre wari watsinze police ibitego bibiri ashobora kutazakina

Aya makipe yaherukaga gukina taliki ya 21 Werurwe 2015 mu mukino wo kwishyura wa shampiona,aho ikipe y’Amagaju yatsinze Police Fc ibitego 2-1,ibitego by’Amagaju byatsinzwe na Muhindo Jean Pierre mu gihe icya police Fc cyari cyatsinzwe na Tuyisenge Jacques.

Sammy IMANISHIMWE