Mu gihe byavugwaga ko umukinnyi Hategekimana Aphrodis yaba yarerekeje muri Kenya kuri uyu wa mbere, ku i Saa Saba n’iminota 20 (13h200) zo kuri uyu wa kabiri taliki ya 23 Kamena 2015 nibwo uyu mukinnyi usanzwe ukina hagati mu ikipe ya Rayon Sports nibwo yari ahagurutse i Kigali yerekeza muri Kenya gusinya amasezerano y’imyaka ibiri n’ikipe ya Sofapaka muri icyo gihugu.

Kanombe i Kanombe mbere gato yo kwerekeza muri kenya kuri uyu wa kabiri

Ah yari agiye gufatanya na Rayon Gusezerera Panthere du Ndé

Uyu mukinnyi mbere y’uko ahaguruka ku kibuga cy’indege cya Kigali i Kanombe,yagiranye ikiganiro na Kigali Today maze adutangariza ko yishimira ibihe yagiranye n’ikipe ya Rayon Sports, anadutangariza ko yumva imyaka asigaje akina umupira w’amaguru,yumva yazayimara hanze y’u Rwanda maze akazagaruka atangira umwuga w’ubutoza aho yifuza kuwuhera mu ikipe ya Rayon Sports yakuriyemo.

Kanombe yagize ati"Imyaka nsigaranye nkina umupira w’amaguru numva nayimara hanze,hanyuma nazagaruka nkagaruka ninjira mu mwuga wo gutoza, numva ubutoza nabuhera mu ikipe yanjye ya Rayon Sports,nyuma namara kumenyera nkaba najya no mu yindi kipe yose yaba inshaka".

Kanombe yabanye na Rayon Sports igihe kinini,aha yari yerekeje mu Misiri guhura na Zamalek

Hategekimana Aphrodice Kanombe ni umwe mu bakinnyi bari bamaze igihe kinini mu Rwanda badahindura amakipe,aho uyu mukinnyi agiye kwerekeza muri iyi kipe ari kumwe na Ndayisenga Fuadi wari kapiteni wa Rayon Sports muri iki gihe.

Aba bakinnyi kandi bakaba bagiye muri Kenya mu gihe ikipe yabo ya Rayon Sports ifite umukino ubanza wa 1/2 cy’igikombe cy’Amahoro igomba gukina kuri uyu wa gatandatu,aho bo biteganijwe ko bazagaruka baje gukina umukino wo kwishyura n’Isonga Fc.

Sammy IMANISHIMWE