KT TV
Hervé Rugwiro na Eric Rutanga muri 18 bajya Mozambique mu gihe Kapiteni wabo muri APR Fc yasigaye
Bamwe mu bakinnyi badasanzwe babona umwanya ubanzamo mu makipe yabo barimo Eric Rutanga na Rugwiro Hervé batoranijwe mu bakinnyi 18 berekeje muri Mozambique mu gihe Kapiteni w’ikipe ya APR Fc yasigaye kubera ikibazo cy’imvune
Umutoza w’ikipe Amavubi Johnattan McKinstry yashyize ahagaragara urutonde rw’abakinnyi 18 bagomba kwerekeza i Maputo muri Mozambique gukina umukino w’amajonjora yo kwerekeza mu gikombe cy’Afrika kizabera muri Gabon mu mwaka wa 2017.
Mu kiganiro yagiranye n’abanyamakuru Johnattan McKinstry, yatagangaje ko impamvu yatumye Nshutiyamagara Ismael "Kodo" atajyana n’abandi bakinnyi ari imvune yagiriye ku mukino wa Tanzania ubwo hakinwaga imikino yo kwibuka abasportifs bazize Jenoside yakorewe abatutsi mu mwaka wa 1994.
Urutonde rw’abakinnyi 18 berekeza i Maputo:
Abazamu: Olivier Kwizera na Eric Ndayishimiye.
Ba myugariro: Michel Rusheshangoga, Emery bayisenge, Herve Rugwiro, Faustin Usengimana, Eric Rutanga na Abouba Sibomana.
Abakina hagati: Haruna Niyonzima, Andrew Buteera, Jean Baptiste Mugiraneza, Djihad Bizimana, Yannick Mukunzi, Patrick Sibomana na Jean Claude Iranzi.
Ba rutahizamu: Michel Ndahinduka, Ernest Sugira na Jacques Tuyisenge.
Uyu mukino uzahuza u Rwanda na Mozambique uteganijwe gutangira ku i Saa kumi zo mu Rwanda ukazabera i Maputo mu gihugu cya Mozambique.
Sammy IMANISHIMWE
Ibitekerezo ( 3 )
Ohereza igitekerezo
|
|
Amavubi tuyifurije itsinzi twe nka banyarwanda.
Njye Ndabona Mu Gukora Ikipe Y’igihugu Habamo Amarangamutima Ashingiye Ku Makipe Amwe Namwe?Rwose Mwatubwirira Umutoza W’amavubi N’abandi Batanya Gukora Ikipe Y’igihugu Bakajya Bagera No Kubindi Bibuga Kko Hari Abana Bashoboye.Kdi Twibuke Ko Icyo Ducyeneye Ni Agaciro (ishema)ry’abanyarwanda.
amavubi tuyifurije intsinzi murakoze