Xabi Alonso ushobora kuzatoza Real Madrid yagizwe Umutoza wa Bayer Leverkusen

Umunya Espagne Xabi Alonso wabaye umukinnyi w’umupira w’amaguru mu makipe atandukanye arimo Liverpool,Real Madrid na Bayern Munich yagizwe umutoza mushya wa Bayern Leverkusen yo mu Budage.

Xabi Alonso w’imyaka 40 y’amavuko yahawe akazi ko gutoza ikipe ya Bayer Leverkusen yo mu Budage nyuma yuko iyi ikipe yirukanye uwari umutoza wayo Seoane kubera umusaruro muke.

Xabi Alonso wagizwe Umutoza wa Bayer Leverkusen
Xabi Alonso wagizwe Umutoza wa Bayer Leverkusen

Alonso yasinye amasezerano y’imyaka ibiri azamugeza mu mpeshyi ya 2024 atoza iyi kipe asanze ku mwanya wa 17 mu makipe 18 akina shampiyona y’icyiciro cya mbere mu Budage aho mu mikino umunani imaze gukinwa muri shampiyona ya 2022-2023 imaze kubonamo amanota 5 atanu gusa.

Xabi Alonso yatangiriye gutoza mu ikipe ya Real Madrid y’abatarengeje imyaka 13 mu 2018 maze kuva muri Nyakanga 2019 ajya gutoza ikipe ya kabiri ya Real Sociedad aho mu myaka itatu yari ayimazemo yayifashije kuzamuka mu cyiciro cya kabiri bwa mbere mu mateka yayo.

Xabi Alonso yanakiniye Bayern Munchen mu Budage
Xabi Alonso yanakiniye Bayern Munchen mu Budage

Xabi Alonso kandi ikinyamakuru Foot Media kivuga ko ari mu bo Perezida w’ikipe ya Real Madrid Frolentino Perez yakiniye imikino 236 ari gutecyerezaho ko bazasimbura umutoza Carlos Ancelotti uzasoza amasezerano mu mpeshyi ya 2024 kandi wavuze ko ariyo yanyuma agahita ahagarika gutoza.Iki kinyamakuru kivuga ko Xabi Alonso na Raul ubu utoza ikipe ya kabiri ya Real Madrid (Castilla) ari bamwe mu batecyerezwaho.

ADVERTISEMENT
rkad1
kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka