Vipers yo muri Uganda byemejwe ko ari yo igomba guhabwa igikombe cya shampiyona

Nyuma yo guhagarara kwa shampiyona ya Uganda kubera icyorezo cya Coronavirus, ikipe ya VIPERS byemejwe ko ari yo igomba kwegukana igikombe cya shampiyona

Ishyirahamwe ry’umupira w’amaguru muri Uganda FUFA, ryamaze kwemeza ko ikipe ya VIPERS ari yo yegukanye igikombe cya shampiyona muri uyu mwaka w’imikino wa 2019/2020.

Mu kwezi kwa gatatu uyu mwaka kimwe n’ahandi henshi ku isi, ni bwo shampiyona y’iki gihugu yari yasubitswe ubwo hari hamaze gukinwa imikino 25, aho ikipe ya VIPERS ari yo yari iyoboye urutonde rwa shampiyona n’amanota 54, aho yarushaga KCCA ya kabiri amanota ane, ahoy o ifite amanota 50.

Vipers yegukanye igikombe cya shampiyona
Vipers yegukanye igikombe cya shampiyona

Kwemeza VIPERS nk’ikipe ya mbere, byaturtse ku bikubiye mu mategko shingiro iri shyirahamwe rya Uganda rigenderaho, aho rivuga ko shampiyona iramutse ihagaze amakipe yose amaze gukina 75%, ikipe yari ku mwanya wa mbere ari yo ihita ihabwa igikombe, urutonde rugakurikizwa uko rwari rumeze ku munsi shampiyona yasubikiweho.

Uko urutonde rwa shampiyona rwari ruhagaze ubwo yasubikwaga
Uko urutonde rwa shampiyona rwari ruhagaze ubwo yasubikwaga

Iri shyirahamwe kandi ryemeje ko Proline yari iherutse guhagararira Uganda muri CAF Confederation Cup ikanasezerera AS Kigali yo mu Rwanda, isubira mu cyiciro cya kabiri hamwe Maroons ndetse na Tooro United.

Amakipe ya MYDA na UPDF zo zamaze kwemererwa kuzamuka mu cyiciro cya mbere, indi kipe imwe hagati ya Kiboga Young, Kitara, Ndejje University na Kataka, iziyongera kuri izi nyuma yo gukina imikino ya Playoff mbere y’uko shampiyona itaha itangira

MENYA UMWANDITSI

National Football League 2019/2020

kigalitoday android app mobile

Ibitekerezo  

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka