UEFA Champions League: Liverpool yatwaye igikombe giheruka irasezerewe

Ikipe ya Liverpool yo mu Bwongereza isezerewe mu mikino ya UEFA Champions League ihuza amakipe yabaye aya mbere iwayo ku mugabane w’i Burayi.

Sadio Mane na Mohamed Sarah barasezerewe (Ifoto: Getty Images)
Sadio Mane na Mohamed Sarah barasezerewe (Ifoto: Getty Images)

Liverpool iviriyemo muri 1/8 nyuma yo gutsindwa na Atletico Madrid yo muri Esipanye igiteranyo cy’ibitego 3 kuri 2 mu mikino yombi.

Umukino ubanza wa 1/8 wabereye muri Esipanye tariki ya 18 Gashyantare 2020 urangira ari igitego kimwe cya Atletico Madrid ku busa bwa Liverpool.

Umukino wo kwishyura wabereye mu Bwongereza kuri uyu wa gatatu tariki 11 Werurwe 2020, warangiye Liverpool na Atletico Madrid binganyije ibitego bibiri kuri bibiri, igiteranyo cy’imikino yombi kiba ibitego bitatu bya Atletico Madrid kuri bibiri bya Liverpool, ihita inasezererwa muri iyo mikino.

Mu mukino wo kwishyura, Georginio Wijnaldum yatsindiye Liverpool igitego cya mbere ku munota wa 43 w’umukino, iminota 90 irangira ari igitego kimwe cya Liverpool ku busa bwa Liverpool, igiteranyo cy’imikino yombi kiba igitego kimwe ku kindi.

Amakipe yombi yinjiye mu minota 30 y’inyongera, muri iyo minota Liverpool ibonamo igitego kimwe cyatsinzwe na Roberto Firmino ku munota wa 94.

Mu gihe bamwe bari batangiye gutekereza ko Liverpool isezereye Atletico Madrid, umukino wahinduye isura ibintu bikomerana Liverpool yari iri ku kibuga cyayo, maze Marcos Llorente atsindira Atletico Madrid ibitego bibiri ku munota wa 97 no ku munota wa 107 w’umukino.

Ikipe ya Atletico Madrid ifite umutoza Diego Simeone urangwa n’ishyaka ryinshi cyane, yaje kubona igitego mu minota ya nyuma y’umukino cyatsinzwe na Alvaro Morata, birangira Atletico yegukanye intsinzi y’ibitego bitatu kuri bibiri mu mukino wose, igiteranyo cy’ibitego kiba ibitego bine kuri bibiri mu mikino yombi.

Uwundi mukino wa 1/8 wahuje Paris Saint-Germain yo mu Bufaransa na Borussia Dortmund yo mu Budage, urangira ikipe ya Paris Saint-Germain isezereye Borussia Dortmund ku giteranyo cy’ibitego bitatu bya Paris Saint-Germain kuri bibiri bya Borussia Dortmund.

Mu mukino wo kuri uyu wa gatatu, Paris Saint-Germain itsinze Borussia Dortmund ibitego bibiri ku busa, mu gihe mu mukino ubanza Borussia Dortmund yari yatsinze Paris Saint-Germain ibitego bibiri kuri kimwe, bityo imikino yombi biba ibitego bitatu bya Paris Saint-Germain kuri bibiri bya Borussia Dortmund.

Amakipe ya Atletico Madrid na Paris Saint-Germain abonye itike yo gukomeza mu mikino ya 1/4 akaba yiyongereye kuri RasenBallsport Leipzig yo mu Budage yasezereye Tottenham Hotspur yo mu Bwongereza ku giteranyo cy’ibitego 4-2.

Indi kipe yakomeje muri kimwe cya kane ni Atalanta yo mu Butaliyani yasezereye Valencia yo muri Esipanye iyitsinze ibitego 8-4 ku giteranyo cy’ibitego by’imikino yombi.

National Football League 2019/2020

kigalitoday android app mobile

Ibitekerezo   ( 1 )

Are u sure ko umukino wo kwishyura banganyije!! Liverpool yatsinzwe witubeshya Wana!! Hindura inkuru yawe rwose!!

Paul yanditse ku itariki ya: 12-03-2020  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka