Shampiyona y’u Bwongereza: Umunsi wa 26 wasize ikinyuranyo cy’amanota 12 hagati y’amakipe y’i Manchester

Ikipe ya Manchester City yongereye ikinyuranyo cy’amanota 12 hagati yayo n’umuturanyi Manchester United. Manchester United yanganyije na Chelsea ubusa ku busa mu mukino wakinwe ku Cyumweru tariki ya 28 Gashyantare 2021 mu gihe Manchester City yatsinze West Ham United ibitego bibiri kuri kimwe mu mukino wabaye ku wa Gatandatu tariki ya 27 Gashyantare 2021.

Umukino wa Chelsea na Manchester wari ishiraniro
Umukino wa Chelsea na Manchester wari ishiraniro

Kunganya kwa Chelsea na Manchester United byatumye Manchester United ijya ku mwanya wa Kabiri n’amanota 50 mu gihe Manchester City yicaye ku mwanya wa mbere n’amanota 62.

Undi mukino wari witezwe n’abatari bake wabaye kuri iki Cyumweru ni uwo ikipe ya Arsenal yatsinzemo Leicester City ibitego bitatu kuri kimwe. Leicester City ni yo yafunguye amazamu ku gitego cyatsinzwe na Youri Tielmans ku munota wa Gatandatu. David Louiz yatsinze igitego cyo ku munota wa 39 ku mupira yari ahawe na Willian. Arsenal yaje kubona igitego cya kabiri ku munota wa Kabiri w’inyongera ku minota 45 y’umukino cyatsinzwe na Alexandre Lacazette kuri Penaliti. Igitego cya Gatatu cyatsinzwe na Nicolas Pepe ku munota wa 52 maze Arsenal itahana amanota atatu.

Gutsinda kwa Arsenal kwatumye yongera amanota igera kuri 37 ,mu gihe Leicester City yagumye ku mwanya wa Gatatu n’amanota 49.

Imikino y’umunsi wa 26 wa Shampiyona

Imikino yabaye Gatandatu tariki ya 27 Gashyantare 2021

* Manchester City 2-1 West Ham
* New Castle united 1-1 Worvempton Wonders
* Leeds United 0-1 Aston Villa
* West Bromwich Albion 1-0 Brighton & Hove Albion

Imikino yakinwe Cyumweru tariki ya 28 Gashyantare 2021

* Leicester City 1-3 Arsenal
* Crystal Palace 0-0 Fulham
* Tottenham 4-0 Burnley
* Chelsea 0-0 Manchester United
* Sheffield United 0-2 Liverpool

Ku wa Mbere tariki ya 01 Werurwe 2021

22:00: Everton irakina Southampton

kigalitoday android app mobile

Ibitekerezo   ( 1 )

Abarashi nibakomereze aho,ndabashaka muri Big 4.

Ruteribitambwe yanditse ku itariki ya: 2-03-2021  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.

Amakuru aheruka