Nyuma y’aho ikipe ya APR Fc itakaje amanota imbere y’ikipe ya Etincelles kuri uyu wa gatanu,kuri iki cyumweru Shampiona y’icyiciro cya mbere mu mupira w’amaguru irakomeza hakinwa imikino y’umunsi wa 16,ari nawo munsi wa mbere w’imikino yo kwishyura.

Mu mikino itegerejwe na benshi,hari umukino uza guhuza ikipe ya Police Fc iza kuba yakira ikipe ya Mukura VS,aho mu mukino ubanza Police Fc yari yabashije gutsinda Mukura,umukino kandi Mukura iramutse iwutsinze yaza guhita irusha APR Fc inota rimwe,ikaba yanarara ku mwanya wa mbere igihe Rayon Sports itabasha gutsinda Marines Fc.

Rayon Sports irakira Marines iheruka gutesha amanota APR Fc

Aya makipe yombi yaherukaga guhura taliki ya 20/09/15 ku munsi wa mbere wa Shampiona,aho Rayon Sports yari yatsinze Marines ibitego 2-0,uyu munsi Rayon Sports ikaza kuba ikina ishaka kongera kujya ku mwanya wa mbere,aho ubu irushwa na APR Fc amanota 2,aho itsinze Marines yahita iyicaho.

Imikino yabaye ku wa Gatanu

SC Kiyovu 3-2 Bugesera FC
Espoir 0-0 AS Muhanga
APR FC 0-1 Etincelles
Amagaju FC 0-0 Gicumbi FC

Imikino iteganijwe kuri iki cyumweru

Police FC vs Mukura VS (Kicukiro)
Rwamagana City vs AS Kigali (Rwamagana Police Pitch)
Musanze FC vs Sunrise FC (Nyakinama)
Rayon Sports vs Marines FC (Stade de Kigali)

Ikipe	Imikino	Amanota
01 APR FC	16	34
02 RAYON SPORTS	15	32
03 MUKURA VS	15	32
04 POLICE FC	15	28
05 AS KIGALI	15	28
06 KIYOVU SPORTS	16	26
07 GICUMBI FC	16	22
08 BUGESERA FC	16	21
09 SUNRISE FC	15	19
10 AMAGAJU FC	16	19
11 MARINES FC	15	17
12 ESPOIR FC	16	16
13 MUSANZE FC	15	15
14 ETINCELLES FC	16	10
15 RWAMAGANA CITY FC	15	9
16 AS MUHANGA	16	5