Kuri uyu wa Gatatu ni bwo hakinwaga imikino ya nyuma yo kwishyura mu gikombe cy’Amahoro, aho hari hanategerejwe kumenya andi makipe yatsinzwe aza kwiyongera ku yahise abona itike ya 1/8 bidasubirwaho.

Kuri Stade ya IPRC Kicukiro, ikipe y’Intare yari yakiriye Rayon SPorts yari yayitsinze ibitego 4-0 mu mukino ubanza, aho umukino waje kurangira Rayon Sports itsinze Intare ibitego 2-0.

Igitego cya mbere cya Rayon Sports cyatsinzwe na Sugira Ernest nyuma yo gucenga ba myugariro babiri b’Intare FC, naho icya kabiri gitsindwa na Iragire Saidi n’umutwe kuri koruneri yari itewe na Mugisha Gilbert.

Amwe mu mafoto yaranze uyu mukino

Eric Irambona wari kapiteni kuri uyu mukino, ahereza umupira Sugira Ernest

Iragire Saidi atsinda igitego cya kabiri, aho umunyezamu yasimbukaga umupira ntawufate

Mu yindi mikino, ikipe ya APR FC i Ngoma yahatsindiye Etoile de l’Est igitego 1-0, i Nyamirambo Police itsinda Musanze kuri Penaliti 4-2, nyuma y’aho amakipe yombi yanganyaga igitego 1-1 mu mikino yombi.

APR FC yatsindiye Etoile de l’Est iwayo ihita inayisezerera

I Rubavu, ikipe ya Marines yari yaratsinzwe ibitego 3-1 na Gorilla, yaje kwihimura iyitsinda ibitego 3-0, Bugesera itsindwa na Mukura ibitego 3-2, naho Gicumbi isezerera Rwamagana iyitsinze ibitego 2-0.

Amakipe 16 yabonye itike ya 1/8

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )