Rayon Sports yongeye gutakaza, Rutsiro itsinda AS Kigali (AMAFOTO)

Yanditswe na

Sammy Imanishimwe

15-01-2022 - 22:54' | Ibitekerezo ( )

Mu mikino y’umunsi wa 12 wa shampiyona, ikipe ya AS Kigali na Rayon Sports ntizabashije kwikura imbere ya Rutsiro Fc na Musanze FC zari zabasanze kuri Stade ya Kigali i Nyamirambo

Kuri uyu wa Gatandatu ni bwo shampiyona y’icyiciro cya mbere mu mupira w’amaguru yari yasubukuwe, aho amakipe yari yakiriye imikino kuri Stade ya Kigali atabashije kwegukana intsinzi.

Rutsiro Fc, yabimburiye andi makipe kubona amanota atatu

Umukino wabimburiye indi ni umukino ikipe ya AS Kigali yari yakiriyemo Rutsiro Fc kuri Stade ya Kigali i Nyamirambo guhera i Saa Sita n’igice, umukino waje kurangira Rutsiro ari yo yegukanye amanota atatu nyuma yo gutsinda AS Kigali ibitego 2-1.

Ikipe ya Rutsiro ni yo yafunguye amazamu ku munota wa 30 w’umukino ku gitego cyatsinzwe na Nkubito Hamza, AS Kigali iza kukishyura kuri penaliti yatewe na Shabani Hussein Thcabalala, Rutsiro itsinda icya kabiri ku munota wa 81 gitsinzwe na Jules Wartanga

Rayon Sports yongeye gutakaza amanota

Ikipe ya Rayon Sports yaherukaga kunganya na Gicumbi 0-0, yongeye kunganya ubusa ku busa na Musanze Fc mu mukino nawo wabereye kuri Stade ya Kigali i Nyamirambo, bituma icyizere cyo guhatanira igikombe cya shampiyona gikomeza gutakara.

Abakinnyi babanje mu kibuga

Rayon Sports: Hakizimana Adolphe, Nizigiyimana Karim Mackenzi, Muvandimwe Jean Marie Vianney, Niyigena Clement, Habimana Hussein, Nishimwe Blaise, Sanogo Souleymane, Mushimiyimana Mohamed, Muhire Kevin, Essomba Willy Onana, Manace Mutatu Mbedi

Musanze: Ntaribi Steven, Niyitegeka Idrissa, Dusabe Jean Claude, Lulihoshi Hertier François, Dushimumugenzi Jean, Nyandwi Saddam, Nyirinkindi Saleh, Nshimiyimana Amran, Ben Ocen, Eric Kanza Angua, Namanda Luke Wafula