Rayon Sports yashyikirijwe umusaruro wa mbere wavuye mu bakiriya ba Radiant

Nyuma y’amezi abiri y’ubufatanye hagati ya Sosiyete y’ubwishingizi ya Radiant ndetse na Rayon Sports, umusaruro wa mbere washyikirijwe Rayon Sports

Ni mu birori by’ubusabane no kuganira ku masezerano y’ubufatanye ari hagati ya Rayon Sports na Radiant, byabereye muri Serena Hotel bihuza abayobozi ba Radiant, abayobozi ba Rayon Sports, abigeze kuyobora Rayon Sports, ndetse n’abayobozi b’amatsinda y’abafana.

Umuyobozi wa Sosiyete ya Radiant Marc Rugenera hamwe n
Umuyobozi wa Sosiyete ya Radiant Marc Rugenera hamwe n’abakinnyi ba Rayon Sports

Muri ibi birori, abayobozi ba Radiant bafashe umwanya wo gusobanurira abakunzi ba Rayon Sports ibijyanye n’ubwishingizi bashobora gufata bikaba byakwinjira ikipe ya Rayon Sports.

Gacinya Denis wahoze ayobora Rayon Sports nawe yari ahari
Gacinya Denis wahoze ayobora Rayon Sports nawe yari ahari

Ku wa Gatanu tariki 10 Kanama 2018 nibwo Rayon Sports na Radinat bari basinye amasezerano y’ubufatanye, ndetse abakunzi ba Rayon Sports abahabwa Code ya AP 325 bazajya bakoresha bafata ubwishingizi, maze amafaanga angana na 15% agahita ashyirwa muri Rayon Sports.

Abayobozi b
Abayobozi b’amatsinda atandukanye bahawe umwanya wo kugira icyo bavuga kuri aya masezerano

Kugeza ubu, abantu barenga 480 bamaze gufata ubwishingizi muri Radiant bwinjirije Rayon Sports Milioni zirenga enye, ari nayo mafaranga ya mbere Rayon Sports yaraye ihawe hifashishijwe Sheki.

Rayon Sports ishyikirizwa Sheki ya Milioni 4Frws
Rayon Sports ishyikirizwa Sheki ya Milioni 4Frws
Muhire Jean Paul umubitsi wa Rayon Sports na Muhirwa Freddy Visi Perezida wa Rayon Sports
Muhire Jean Paul umubitsi wa Rayon Sports na Muhirwa Freddy Visi Perezida wa Rayon Sports

Marc Rugenera uyobora iyi sosiyete, yatangaje ko iyi ari intangiriro ariko ayo mafaranga adahagije, ahubwo ko intego ariko umwaka utaha byibura Rayon Sports yazinjiza Milioni 150 Frws binyuze mu bwishingizi.

"Ni intangiriro nziza mu mezi abiri gusa ashize dutangiye ubufatanye, ariko umwaka utaha aya mafaranga agomba kwiyongera kuko abakunzi ba Rayon Sports ni benshi kandi biteguye gukora ibyateza imbere ikipe yabo"

Ibi kandi abihurizaho na Muhirwa Freddy Visi Perezida wa Rayon Sports, watangaje ko intego ari uko abakunzi ba Rayon Sports bagomba gufata ubwishingizi bwa Miliyari mu mwaka utaha wa 2019, bikazinjiriza Rayon Sports Milioni zisaga 150 Frws.

Abakunzi ba Rayon Sports bafite ibikorwa bisaba ubwishingizi bavuze ko bagiye kujya babufatira muri Radiant
Abakunzi ba Rayon Sports bafite ibikorwa bisaba ubwishingizi bavuze ko bagiye kujya babufatira muri Radiant
Muhire Jean Paul umubitsi wa Rayon Sports na Muhirwa Freddy Visi Perezida wa Rayon Sports
Muhire Jean Paul umubitsi wa Rayon Sports na Muhirwa Freddy Visi Perezida wa Rayon Sports
Visi-Perezida wa Rayon Sports Muhirwa Freddy avuga ko biteguye kubyaza umusaruro ubu bufatanye
Visi-Perezida wa Rayon Sports Muhirwa Freddy avuga ko biteguye kubyaza umusaruro ubu bufatanye
Rwatubyaye Abdul, Manzi Thierry ndetse na Eric Rutanga bakinira Rayon Sports bari bitabiriye uyu muhango
Rwatubyaye Abdul, Manzi Thierry ndetse na Eric Rutanga bakinira Rayon Sports bari bitabiriye uyu muhango
Eric Rutanga yashimiwe kuba ari we mukinnyi wa mbere wa Rayon Sports wafashe ubwishingizi muri Radiant
Eric Rutanga yashimiwe kuba ari we mukinnyi wa mbere wa Rayon Sports wafashe ubwishingizi muri Radiant

MENYA UMWANDITSI

kigalitoday android app mobile

Ibitekerezo   ( 3 )

murakoze cyane waoo ooo

Niyonteze sad yanditse ku itariki ya: 15-12-2018  →  Musubize

Natwe nkabafana.twishi
miye.iyonkuga.twahawe.
kand dushimiye.iyo
sosiyete. ya radiyant
nikomeze.iduteze.
imbere natwe.tudasigaye
nkabafana.
murakoze ni emmy
UMUFANA.WA.
REYON SPOR

emmy yanditse ku itariki ya: 15-12-2018  →  Musubize

ubwo bufatanye rayon sporots yagiranye na radiant nibwiza cyane

tuyisingize theophile yanditse ku itariki ya: 14-12-2018  →  Musubize

Ohereza igitekerezo

Igitekerezo cyanyu kiragaragara kuri Kigali Today nyuma y'isuzuma kandi mu gihe kidatinze. Udashaka ko izina ryanyu rimenyekana wakoresha alias, Turabashimiye.