Kuri uyu wa Gatatu hari hakomeje imikino yo guhatanira igikombe cy’Amahoro, aho ikipe ya Rayon Sports yari yakiriye Intare FC zisanzwe zibarizwa mu cyiciro cya kabiri.

Ntabwo Rayon Sports yigeze itinda kwinjira mu mukino kuko ku munota wa cyenda gusa yari ifungye amazamu, ku gitego cyatsinzwe na Drissa Dagnogo n’umutwe kuri koruneri yari itewe na Sekamana Maxime.

Ku munota wa 15 gusa, rayon Sports yaje gutsinda ikindi gitego cyatsinzwe na Ernest Sugira, ni nyuma y’ikosa ryari rikozwe n’umunyezamu wagiye gutera umupira n’umutwe awutera nabi, Sugira atera mu izamu barawugarura, arongera ahita asongamo.

Ku munota wa 32, Sekamana Maxime wanitwaye neza muri uyu mukino yatsindiye Rayon Sports igitego cya gatatu, igice cya mbere kirangira ari ibitego 3-0.

Mu gice cya kabiri cy’umukino Rayon Sports yaje gutsinda igitego cya kane, cyatsinzwe na Mugisha Gilbert wari winjiye mu kibuga asimbuye, ku mupira mwiza yari aherejwe na Nshimiyimana Amran.

Abakinnyi babanje mu kibuga

Rayon Sports: Kimenyi Yves, Rugwiro Herve, Rutanga Eric, Iradukunda Eric Radu, Kayumba Soter, Oumar Sidibe, Mugheni Fabrice, Drissa Dagnogo, Sekamana Maxime, Nshimiyimana Amran, Sugira Ernest

Intare FC: Ishimwe Pierre, Uwimana Emmanuel, Nkundimana Aviti, Hirwa Jean de Dieu, Byiringiro Gilbert, Kambanda Iradukunda Serge, Isingizwe Christian, Ishimwe Jean Irene, Niyitanga Emmanuel, Nkusi Didier, Mukesha Eric

Uko imikino yose yagenze

Ku wa Kabiri Tariki 04/02/2020

Mukura VS&L 2 - 1 Bugesera FC
AS Muhanga 5 - 0 Interforce FC
APR FC 1 - 0 Etoile de l’Est
Gorilla FC 3 - 1 Marines FC
Espoir FC 0 - 1 Sunrise FC
Musanze FC 1 - 0 Police FC

Ku wa Gatatu Tariki 05/02/2020

Rayon Sports FC 4 - 0 Intare FC)
SC Kiyovu 0 - 0 AS Kigali
Rutsiro FC 2 - 0 Pepiniere FC
Impeesa FC 1 - 0 Etincelles FC
ASPOR LTD 2 - 1 Vision FC
Rwamagana FC 2 - 2 Gicumbi FC

Amwe mu mafoto yaranze umukino wa Rayon Sports n’Intare FC

Abakinnyi bafatanya n’abafana kwishimira intsinzi

Nyuma y’umukino baganira uko wagenze

Umunyezamu w’Intare FC ashimira Imana nyuma y’umukino

Mugisha Gilbert ashakisha uburyo bwo gutsinda igitego

Sugira Ernest yahuraga n’ikipe yakoreragamo imyitozo mbere yo kwerekeza muri Rayon Sports

Rayon Sports yagiye ihusha uburyo bwinshi bwashoboraga kuvamo ibitego

Mugisha Gilbert yishimira igitego na Bizimana Yannick witeguraga kwinjira mu kibuga

Sekamana Maxime watsindiye Rayon Sports igitego cya gatatu

Sugira Ernest watsinze igitego cya kabiri

Rugwiro na Sugira bashakisha igitego cy’umutwe

Eric Rutanga Kapiteni wa Rayon Sports

Ishimwe Pierre umunyezamu w’Intare

Bizimana Yannick yari yinjiye mu kibuga asimbuye

Ubwugarizi bw’Intare bwari bwagerageje kwihagararaho

Amafoto: NYIRISHEMA Fiston

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )