Mu rwego rwo kwitegura umukino uzayihuza n’ikipe ya Kirehe kuri uyu wa Gatandatu, ikipe ya Rayon Sports yari yimwe ikibuga cya Skol cyo mu Nzove yari imaze iminsi ikoreramo imyitozo, ikaza kandi no kugerageza gukorera kuri Stade Mumena ntibiyikundire, uyu munsi yakoreye kuri Ferwafa.

Iki kibazo ngo nticyabangamiye imyiteguro y’ikipe

Mu kiganiro twagiranye n’umutoza mukuru w’ikipe ya Rayon Sports Karekezi Olivier, yadutangarije ko icya ngombwa ari uko ikipe ye ibona aho ikorera imyitozo kandi abakinnyi bakaba bameze neza.

Yagize ati "Aho twakoreshereza imyitozo hose nta kintu na kimwe byadutwara, abakinnyi bafite ishyaka kandi biteguye neza, kandi twabwiwe ko ku wa mbere dushobora kuzasubira mu Nzove aho twakoreraga imyitozo"

Ikipe ya Rayon Sports iri gutegura umukino izakiramo ikipe ya Kirehe, uyu munsi ukaba uzabera kuri Stade ya Kigali i Nyamirambo Saa Cyenda n’igice zo kuri uyu wa Gatandatu

Amafoto y’imyitozo y’ikipe ya Rayon Sports

Bashunga Abouba utaremererwa gukinira Rayon Sports nawe yakoze imyitozo

Ndayishimiye Eric Bakame, umunyezamu wa mbere akaba na Kapiteni wa Rayon Sports

Mukunzi Yannick ufite ikibazo cy’imvune ashobora kudakina umukino wo ku wa Gatandatu

Abanyezamu bakora imyitozo yabo yihariye

Umufana Rwarutabura yari ahari

Mbere y’imyitozo babanje gusenga

Usengimana Faustin umaze kugaruka mu bihe bye bya kera

Kwizera Pierrot, Irambona Eric na Mutsinzi Ange

Abafana bari baje ari benshi

Niyonzima Olivier Sefu ukina mu kibuga hagati

MENYA UMWANDITSI

Sammy Imanishimwe

Umunyamakuru

@ Samishimwe

Reba inkuru zose nanditse ( 2585 )